Robb gitraydor

CEBU, Philippines — Gibutyag sa sexy actress nga si Robb Guinto nga gitraydor siya sa iyang ex-boyfriend ug higala nga maoy rason nga wala madayon ang gipangandoy niya nga kasal.

“Nagkaroon ng something sa amin ng ex ko noon. Nag-cheat po siya sa akin, sa friend ko. So, ako hinayaan ko na lang. Kumbaga ang akin, karma na lang ang bahala sa kanila," saysay pa ni Robb sa interview niini sa “Fast Talk with Boy Abunda”.

Suma pa sa aktres nga wala pa'y nahitabong komprontasyon tali kaniya ug sa iyang higala  ug kanhi uyab.

KathDen giila  sa CEAP isip Box Office King and Queen

Natuboy isip  2024 Box Office King and Queen sa Cinema Exhibitors Association of the Philippines (CEAP) sila si Alden Richards ug Kathryn Bernardo alang sa gibidahan nila nga pelikulang  "Hello, Love, Again."

Giila sa CEAP ang "Hello, Love, Again" gumikan sa kalamposan  niini isip  top-grossing Filipino movie of all time.

Ang maong pelikula kay  sequel sa 2019 blockbuster movie nga "Hello, Love, Goodbye."

K Brosas miduaw kang Kris

Gibisita   sa komedyanteng singer nga si K Brosas ang iyang nasakit nga higala nga si  Kris Aquino.

“At last nakapunta na kay gorge [Kris] kahit medyo mahina at masama pakiramdam nya super chika galore tulad lang ng dati. Infairness, medyo nag-gain na siya ng konting weight,” social media post ni K wrote.

Nanawagan usab siya nga ipadayon ang pag-ampo alang sa recovery ni Kris.

Gipasigarbo usab ni K ang anak ni Kris nga si Bimby gumikan sa pagkaboutan niini.

 “Bimb, sobrang nakaka proud ka! halos buong araw kami magkasama kahapon, nakakatuwa na makita sha na binata na at sobrang sweet, bait, napaka gentleman at super humble. See you guys uli soon.. Lablablab!” dugang pa ni K.

Naghambin si Kris og   Autoimmune Thyroiditis, Chronic Spontaneous Urticaria, EGPA, Systemic Sclerosis/ Scleroderma, Lupus, Rheumatoid Arthritis, Fibromyalgia, Polymyositis, ug Mixed Connective Tissue disease. 

Daniel nag-tree planting sa pagsaulog sa iyang birthday

Gipaneguro ni Daniel Padilla nga mas makahuloganon ang pagsaulog sa iyang 30th birthday.

Nisalmot ang aktor sa tree planting nga gipasiugdahan sa usa sa mga produkto nga iyang gi-endorso.

Kauban ni Daniel sa tree planting sa Batangas mao ang iyang supporters .

“A birthday meaningfully spent for Daniel Padilla who collaborated with multi-awarded Filipino artist and environmentalist, AG Saño, other philanthropists, dear fans, and a brand he endorses in hosting a tree planting activity in Calatagan, Batangas,” social media post sa Star Magic .

Wala panumbalinga sa aktor ang kainit sa panahon.

“DJ and fellow environmental advocates powered through the scorching summer heat as their hard work is a testament to their all-out support for Mother Earth," dugang mensahe sa Star Magic .

Andam modawat og BL series

Bukas sila si Emilio Daez ug Michael Sager  sa posibilidad nga magpares sila  sa usa ka boys love (BL)  series.  Dili basta-basta ang nakuha nila nga atensyon sa publiko sukad sila nakasulod kaniadto sa  Pinoy Big Brother (PBB) house.

Mitikang sa Bohol

Human sa 14 ka tuig , nakabalik na sa Pilipinas   ang Filipino-American nga  TikTok star  nga si Bella Poarch .      Wala gyud sipyata ni Bella ang pagtikang sa Bohol .  . "When we got to our hotel in Bohol we were greeted with a surprise," niya pa.

Ipasalida  sa Cinema One

Ipasalida  sa umaabot nga mga adlaw sa   Cinema One ang sikat nga  mga pelikula sa nipanaw nga National Artist nga si  Nora Aunor .   Ang maong mga pelikula kay naglangkob sa “Minsa’y Isang Gamu-gamo” ( Mayo 11) , “Bulaklak sa City Jail” (Mayo 18), ug “Himala” (Mayo 25). Makita kini sa alas 10pm sa gabii. 

Diego andam na mahigugma og balik

Giklaro  ni Diego Loyzaga   nga wala siya’y uyab karon , busa igo nalang siya mopahiyom sa nitumaw nga chika nga duna siya’y bag-ong hinigugma.

Gibutyag  hinoun sa aktor nga  andam na siya mahigugma og balik.

Kapin na sa usa ka tuig sukad sila nagbuwag sa iyang non-showbiz girlfriend nga si Alexis Suapengco.

Aduna sila’y dos anyos nga anak nga ginganlan og  Hailey Paige.

6 ka bag-ong summer love anthems gikan sa Abs-CBN Music

Bag-ong mga awit nga swak sa  ting-init ang giandam sa mga mang-aawit sa ABS-CBN Music nga sila si Marlo Mortel, Yumi Lacsamana, Thor, BAN, Chie, ug Guel, nga nagpadayag sa mga istorya sa gugma ingon man usab sa pagsugod niini.

Bag-ong gugma ang gipasiugda ni Marlo sa  iyang awit nga “Adik Na Rin”, nga madungog sugod ugma  (Mayo 9). Si Marlo mismo ang nagsulat niini nga bag-ong awit sa Star Music nga adunay mensahe kabahin sa hinay-hinay nga pagkahulog sa usa ka espesyal nga tawo. Gisundan kini sa iyang mga kanta nga “Tag-init” ug “Manhid.”

Ilalom sa kainit sa adlaw, mabati usab ang kanta ni Yumi  nga “Walls,” usa ka pop-R&B track nga nagtuki sa pagkahagsa sa  “emotional walls” alang sa tawo nga gihigugma. Gisulat ug gi-prodyus kini ni Soc Villanueva ug Thyro Alfaro, nga naghatag og kusog aron ipakita ang tinuod nga gibati. Isip kabahin sa award-winning duo nga Thyro & Yumi ug tingog sa likod sa hit song nga “Dyosa,” nagpadayon si Yumi sa paghimo og dakong epekto sa OPM scene.

Usa ka saad alang sa malungtaron nga gugma ang gihisgotan usab sa kanta ni Thor, grand finalist sa “Tawag ng Tanghalan” season 8, nga “Bahagi.” Gisulat kini ni Thor samtang gi-prodyus kini ni ALAS. Naghisgot  kini sa abilidad ni Thor sa paghatag og pagbati sa matag musika gamit ang iyang hapsay nga tingog.

Masakit apan  isog nga kamatuoran ang gihisgotan sa kanhi  “The Voice Teens Philippines” season 1 contestant nga si Archie “Chie” Aguilar sa iyang bag-ong awit nga “Uunahan Na Kita.” Gipadayag ni Chie ang kasakit sa pagsulti nga aduna na siyay laing gihigugma. Gisulat ug gi-prodyus kini ni Kiko “KIKX” Salazar. Gisundan kini sa iyang mga bag-ong awit nga “Isa Pa” ug “Sana Ikaw Naman.”

Mainiton usab ang tema sa kantang “Let Me Say” ni Guel, usa ka indie-pop artist. Siya mismo ang nagsulat sa awit nga naghisgot sa pangamuyo nga magpabilin bisan pa man sa paghinay-hinay nga pagkahupas  sa usa ka relasyon. Nailhan si Guel sa indie pop scene tungod sa iyang pagkahilig sa pagsulat og kanta sukad pa sa edad nga 13 nga nagpakita sa iyang makapaikag nga estilo sa “storytelling”.

Masinati ang pagbati sa summer love pinaagi sa bag-ong musika sa ABS-CBN Music nga madungog sa nagkalain-laing streaming platforms.