Vice, na pressure!

CEBU, Philippines — Giangkon ni Vice Ganda ngadto sa PEP nga na pressure gyud siya sa istilo sa iyang pag-host karon sa It’s Showtime sanglit nag-usab-usab ang ilang medium. Gikan sa free tv, niadto sila sa cable, nahimong digital, nibalik sa free tv.

Matud ni Vice kinahanglan niyang tun-an og maayo unsay haom nga hosting style sa matag medium busa matag-adlaw gyud siya nga nagkat-on, nagtuon. “Kasi, pa-evolve nang pa-evolve ang platform, ang audience, ang contestants, so kailangang sabayan mo ang evolution.

“Iyong mga ginagawa namin dati sa Showtime, maraming bagay na ginagawa namin dati, kung paano namin hina-handle ang segment, iyong show, iyong contestants na hindi namin puwedeng gawin ngayon. "Kasi we have to consider iyong pandemic, iyong emotion ng maraming tao, iyong estado ng maraming tao.”

Suma pa niya nga gilimitahan sab niya ang iyang mga jokes karon, dili na todo ang iyang punchlines.

“Dati talagang all-out kami, tawanan. Wala kaming pakialam sa mundo. Pero ngayon, we have to be sensitive. Hindi puwedeng masyadong masaya kasi hindi gano’n ang emosyon ng mga tao. Kailangan maaral mo rin, change nang change.” Hinuon, matud ni Vice nga nakaayo sab kini nila kay daghan sab sila og bag-ong makat-onan matag adlaw kabahin sa hosting.

Lahi ra gyung Kathniel

Duha ka adlaw sukad gisalida sa Netflix Philippines, ang digital series sa Kathniel nga The Hows Arrest of Us na gilayon ang numero uno nga show sa maong streaming app. Gihugopan dayon kini sa fans nila ni Kathryn Bernardo ug Daniel Padilla, lakip na sa Canada ug America, diin trending sab ang maong series.

Morisette, broken-hearted...

Nagdugo ang kasingkasing sa Cebuana Diva nga si Morisette human namatay ang iyang golden retriever nga si Adam dinhi sa Sugbo niadtong nilabay nga adlaw. Ang maong iro, Valentine gift sa iyang mga ginikanan ngadto niya niadtong 2006, dihang 11-years old pa lamang siya. Saysay pa niya, gipapili siya kaniadto kun iro ba o phone ang iyang gusto. Ang iro iyang gipili gumikan sa ka cute niini.

Promdi Kris

Sa wala pa gibutyag nga probinsya una moistar sila si Kris Aquino  ug Bimby samtang aduna pay pandemya. Kini maoy gibutyag ni Kris sa dayong paghuman sa iyang jojowain o trotropahin video nga gi-upload niadftong Miyerkules sa gabii. Beach house matud pa ilang puy-an. Suma pa niya, kinahanglan niyang panalipdan iyang panlawas alang sa iyang mga anak. Si Josh, tua sa Tarlac nagpuyo ug duawon ra niya ka usa sa unom ka mga semana.

Target ni Fifth

Gibutyag sa kanhi Pinoy Big Brother housemate nga si Fifth Solomon nga ang Kathniel maoy iyang dream loveteam aron idirihe sa pelikula. Kun mahatagan siya og kahigayonan, fantasy movie ang buot niyang himuon para nila ni Daniel Padilla ug Kathryn Bernardo. Si Fifth maoy direktor sa Pinoy version sa Korean rom-com, My Sassy Girl nga gibituonan nila Toni Gonzaga ug Pepe Herrera.

"I miss you papa"

"7 years today. Missing you very much. I miss seeing your face in the crowd whenever I have a concert. And for some weird reason I would always see you kahit di ko alam sa'n kayo nakaupo. Concert na naman na wala ka. I miss you papa,"  Kini maoy IG post ni Asia's Songbird Regine Velasquez niadtong Miyerkules nga death anniversary sa iyang amahan nga si Gerardo Velasquez o Mang Gerry.

"Viral" na sila!

Balik ABS-CBN na sila si Dimples Romana ug Jake Cuenca human sila nilugwa sa TV5. Si Dimples, nilugwa sa sitcom nga Oh! My Dad nga iya sa Brightlight Productions, samtang si Jake nigawas sa teleserye nga Ate Ng Ate Ko. Sa ilang pagbalik, molugwa sila sa umaabot nga drama series kauban ang MMFF best actress nga si Charlie Dizon. Giulohan og "Viral" ang ilang umaabot nga teleserye.

Bahala uroy mo!

"Hindi Ako Mag-aadjust sa inyo!" Kini maoy reaksyon ni Ryza Cenon para sa iyang mga bashers nga nisaway niya nga OA na og tingog kun mosulti. Nahitabo ni dihang gidapit ni Ryza niadtong nilabay nga adlaw ang iyang Instagram followers sa pag-subscribe sab sa iyang Youtube channel. May mitubag niya nga dili motan-aw sa iyang channel kay OA na matud pa siya. May niakusa sab kang Ryza nga giapil-apil niini iyang anak sa vlog kay wala na siya'y career. Pwes, matud ni Ryza, dili siya mamugos!

Dakong Hagit

Hangtud karon bungol pa gihapon si Lani Misalucha, gumikan sa bacterial meningitis nga nitakboy niya ug sa iyang bana sa nilabay nga tuig. Dako matud pa kining hagit ngadto niya ilabi na nga regular na siya sa All Out Sunday sugod niadtong Domingo. Nagpasalamat si Lani ngadto sa tanang nisuporta niya sa nahisgutang Sunday variety show sa GMA7.

Duol ra'g balay

Gihimakak nila ni Loisa Andalio ug Ronnie Alonte ang chika online nga nag-live-in na sila karon. Suma pa ni Loisa atol sa presscon sa ilang umaabot nga Iwant TFC series nga Unloving You, duol lang gyud ang balay nila sa usa'g-usa, hinungdan nga mura'g kanunay silang nagkuyog. Samtang kauban nila niining maong series ang magtiayong Ariel Rivera ug Gelli de Belen.

Piolo, nagtaping na

Nagtaping na matud pa si Piolo Pascual alang sa anthology nga Dear God nga isalida pinaagi sa streaming app nga Weflix, ug isalida sab sa TV5. Pero wala pay update kun makabalik na ba siya sa Kapamilya Network human nananghid nga molugwa una sa TV5 pinaagi sa Brightlight Productions' show Sunday Noontime Live nga nagbabu na sa ere niadtong January 17. Ang tsika hinuon mao nga may movie ug concert nga nagpaabot kang Papa P sa ABS-CBN.