Barbie hinubaran din sa internet

Parang sunud-sunod these days ang pagreretoke ng picture ng mga artista na naka-two piece sa kanilang social media account.

Ang dali lang kasing gawin ng mga knowledgeable sa mga computer program lalo na nga ang kakapiranggot na ang reretokihin.

Pagkatapos ngang literal na umusok sa  galit sina Sue Ramirez and Maris Racal nang retokihin ang photo nila na naka-two piece, si Barbie Imperial naman ang nabiktima.

Nagagalit ang Kapamilya star sa ginawa sa kanya. “Reposting this photo because people are messaging me about this photo (2nd photo). Grabe, sobrang stupid naman. You really think I’ll post a photo like this? Sa lahat ng nagshashare nito, ANG LALA NYO. And sa lahat ng nagbabash and madaming sinasabi sakin dahil sa picture na to, ANG TANGA LANG. Wala na ba kayong magawa kundi mag edit ng photos ng mga babae at gawing nude photo? Paisa lang po, dahil nakakagigil talaga yung gumawa nito. Ilang babae pa ang magiging biktima ng mga makikitid nyong utak?! Itigil nyo na, wala kayong ambag,” caption ng girlfriend ni Diego Loyzaga.

Anyway, totoo kayang ‘pag wala sa lock-in taping si Barbie ay lagi na silang magkasama ni Diego as in panay ang sleep-over nito sa bahay ni Diego?

Recently lang sila umamin ni Diego na sila na.