“Ani ug Kita”

CEBU, Philippines — Sugod karong buntag, masaksihan na sa publiko ang “Ani ug Kita” TV talkshow nga maghisgot sa mga programa ug proyekto sa Department of Agriculture ug mga teknolohiya sa pagpanguma.

Ipasalida kini sa Cebu Catholic Television Network (CCTN) channel 47 sa alas syete hangtud alas otso sa buntag ug magpadayon hangtud sa mosunod nga mga Sabado.

Si Regional Executive Director Atty. Salvador D. Diputado mipahayag nga pinaagi sa “Ani ug Kita” talkshow, ma-agni ang agriculture stakeholders ug ang publiko nga mosalmot sa mga kalihukan pagkab-ot sa food security ug food sufficiency, ilabi na karon nga adunay pandemya.

“Kini nga TV show maghatag inspirasyon ug makaagni sa uban nga moapil sa nagkadaiyang agricultural activities ug mahimong agri-preneurs. Amo usab i-pasundayag diri kung unsa ang among mga gihimo aron paghatag og assurance sa publiko nga adunay ahensya nga nag-atiman sa mga mag-uuma kinsa gi-kosiderar nga food frontliners”, dugang ni Diputado.

Gipili sa DA7 nga mas palapdan pa ang pagpakatap sa agricultural technologies ug farming updates gamit ang telebisyon tungod kay maglisud man ang mga agricultural technicians ug experts sa pagbisita sa mga umahan karong panahona tungod sa gipatuman nga quarantine.

 Gwapa  gihapon!

Viral ang mga hulagway ni Angel Locsin nga gi upload sa usa ka ginganlan og Angelica Santos kinsa mipaambit nga nakit-an niya ang actress nga nag-taping niining bag-o lang.

Dungan niini, may mga nikomentaryo nga bisan og tambok na karon ang actress, gwapa lang gihapon.

Ang uban sab nilab-as sa mga maayong buhat sa aktres ilabi na ang iyang pagka matinabangon panahon sa kalamidad.