Nakuyawan, nakulbaan

CEBU, Philippines — Giasoy ni Ella Cruz ang kasinatian niya ngadto kang Louise Abuel sa nahitabong kissing scene nilang duha sa pelikula nga ‘Edward’. Matud pa ni Ella nga nakulbaan gyud si Louise kinsa manghud pa niya og pito ka tuig. Kinse anyos pa lang si Louise ug 22 anyos karon si Ella. “Pero grabe, as in amoy na amoy ko na nag-ano siya, mouthwash siya, nagtoothbrush siya. Pero ‘nung time na ‘yun, sinabi ko kay Direk eh, ‘Direk, ‘wag na natin practisin ‘to. Kunan natin ‘yun talagang magiging expression ni Louise kasi first time niya talaga in real life tapos first time niya sa pelikula so magiging sobrang raw ‘nung emotions niya”, suma pa no Ella.

Hinahanap hanap kita

Anaa sa Dubai si Maja Salvador alang sa premiere night sa iyang serye nga ‘Hinahanap Hanap Kita’ nga mapagawas sa TFC Online. Mitunga sa maong espesyal nga gabii ang Sugbuanon nga si Akiko Solon kinsa mao ang kanhi Star Power finalist ug nakabase na karon sa Dubai.

Kita sa Jowable

Mihipos og P18 million ang kita sa takilya sa tulo ka adlaw nga pagsalida sa pelikula ni Kim Molina nga ‘Jowable’. Giisip na kini karon nga usa ka blockbuster movie ug napanlantawan nga musamot pa og taas ang kita niini karong weekend.

Wala pa masayod

Wala pa masayod pa Gardo Versoza kun unsa ang mahitabo sa iyang karakter sa ‘FPJ’s Ang Probinsiyano’. Anaa na sab karon si Gardo sa bag-ong teleserye nga ‘Sandugo’. Nagmalaumon si Gardo nga unta dili lang patyon ang iyang karakter.

Two love you

Mobida sa pelikula nga ‘Two Love You’ si Yen Santos. Karong Nobyembre mapagawas ang maong pelikula. Makauban niya sila si Kid Yambao ug Lassy Marquez.

Narecover ang IG

Nakaginhawa na og tarong si Kris Bernal kinsa naguol pag-ayo human na-hack ang iyang mga social media accounts. Tulo ka accounts niini ang na-hack nga mao ang iyang IG, Twitter ug personal nga email. Ang IG ni Kris ang una nga nauli gikan sa grupo sa mga hacker sa Turkey. Giproseso na sab ni Kris ang pag-recover sa iyang duha ka mga account.

Mauwawon sa uban

Tsika pa ni Mika dela Cruz nga mauwawon gyud ang iyang boyfriend nga si Nash Aguas sa ubang tawo. Matud pa ni Mika nga introvert nga pagkatawo si Nash bisan og exposed na kini sa telebisyon.

Dunay gihikay

Gisaysay ni Direk Jason Paul Laxamana nga mobalik siya sa paggama og indie films. Gani, duna sab siya’y gigama nga superhero movie. Matud pa niya nga mao kini ang kasamtangan niya nga gihikay karon. Dili una siya mohatag og dugang detalye kun dili pa kini masugdan og shoot.

Gusto ma-maintain

Gitug-an ni Piolo Pascual nga gusto gyud siya nga kanunay nga hulma ang iyang lawas. Matud pa ni Piolo nga aron ma-maintain niya ang ka-fit sa iyang lawas, kanunay siya nga modumdom sa iyang routine nga mag-jogging, mag-boxing ug kun mahimo, moapil og marathon.

Dili mosabay sa uso

Dili mosabay sa uso si Juancho Trivino nga interesado sa butt exposure sa mga proyekto. “Ang dami namang puwedeng gawin, na siyempre kung nandiyan na sila, di masa-saturate na yung ganyang market. Ako, I’m not afraid to think out of the box”, suma pa ni Juancho.