Jen ug Coco suwayan

CEBU, Philippines — Nitumaw karon ang tsika nga magpares sa pelikula sila si  Jennylyn Mercado ug  Coco Martin ug gikatahong isumiter kini aron mahimong entry sa  Metro Manila Film Festival 2019.  Dugang pa nga tsika nga makauban nila sa maong proyekto ang komedyanteng aktres nga si Ai Ai delas Alas.

Mangunay og atiman

Walay plano sila si  Andi Eigenmann ug Philmar Alipayo nga mokuha og yaya alang sa ilang anak nga gihimugso sa miaging semana.  Ganahan ang  duha nga sila gyud ang mangunay og atiman sa ilang  anak.

Willie dunay mobile app

Nitikang si Willie Ravillame sa Singapore alang sa contract signing sa iyang mobile application  nga WilToPlay.  Gidala ni Willie sa maong dapit ang pipila niya ka kauban sa Wowowin.

Loyal sa GMA

Mapasalamaton kaayo ang kadagkoan sa GMA-7 ngadto kang  Jennylyn Mercado gumikan kay loyal gyud kini sa iyang mother network .  Ni-renew si Jennlyn dili pa lang dugay sa iyang kontrata sa GMA.  Produkto si Jennlyn sa Star Struck ug wala kini nibalhin og laing network.

Single gihapon

Tsika pa ni Enchong Dee nga nagpabilin gihapon siya nga single. Kahinumdoman nga duna unta siya’y ka-date sa miaging tuig  apan wala mosaler ang pagdiskarte niya niini. “Pinagdadasal ko sana na balang araw I can do a trip with a love life,” suma pa sa aktor.

Quality time

Nibakasyon sila si  Tom Rodriguez ug Carla Abellana sa laing sa nasud. Bisan sa ka-busy sa duha, ilaha gyud nga giseguro nga makabaton og kalidad nga oras sa usa’g-usa.

The Gift

Giplantsa na sa GMA-7  ang umaabot nga teleserye  ni Alden Richards.   Nagtangag kini sa working title nga The Gift ug wala pa’y ideya si Alden kun kinsa ang makauban niya sa maong proyekto.

Nakadaog ang Pinay

Nakadaog ang Pinay nga si Lovely Gervacio Tajan sa Mrs. International Universal 2019 nga gipahigayon sa  Encore Melaka Performance Art Theatre sa Melacca, Malaysia, niadtong Domingo. Nakuha usab ni  Lovely ang special award nga Mrs. Most Beauty.

Angayan gyud

Angayan matud pa si Jane de Leon sa naangkon niini nga Darna role.  Kini maoy gibutyag sa Kapuso actress nga si Sanya Lopez.  “And ang ganda-ganda niya! I think she deserves it naman,” suma pa niya.

Nagdumot kang Carlo

Wala’y plano  si Angelica Panganiban nga tinggan si Carlo Aquino. Gitubag kini sa aktres sa dihang gipangutana siya sa usa ka netizen kalabot sa maong butang.  Kahinumdoman nga nabiktima matud pa si Angelica sa termino “paasa”  .

Natagak sa  StarStruck

Ang igsuon ni Ruru Madrid nga si   Rere Madrid  maoy natangtang sa  bag-ohay lang nga elimination round sa StarStruck.  Si Ella Cristofani ang nakalangkat og dakong score niadtong higayona.

Jessy pasok sa SanDugo

Malakip si Jessy Mendiola sa upcoming ABS-CBN TV series nga SanDugo nga pagabidahan nila ni Ejay Falcon ug Aljur Abrenica. Nagpasabot kini nga dili tinuod ang niulbo nga taho nga matud pa mobalhin siya og laing network. Nasayran nga nibisita na si Jessy sa Star Magic apan wala nagpasabot nga mobalhin siya og laing istasyon.