Nag-workshop na

CEBU, Philippines – Mihatag og update si Carlo Aquino kabahin sa pelikula nila ni  Maine Mendoza nga ‘Isa Pa With Feelings’.   Excited na  ang ilang fans sa maong pelikula. “Nagwo-workshop na kami. May mga surpresa kami inihahanda para sa inyo lahat doon sa movie. Mag-start kami first day next week or next next week”, suma pa ni Carlo.

Magpa-relax  sa Europe

Plano ni Bela Padilla nga mobakasyon sa Europe kun mahuman na ang serye nga ‘Sino Ang May Sala’. Samtang  nagpadayon sa iyang trabaho sa maong serye, nakatapos na sab siya og trabaho sa duha ka pelikula nga pareho niya nga gibidahan. Usa sa iyang sa pelikula ang gikatakdang ipagawas sa Metro Manila Film Festival 2019.

Gold play button

Nakadawat na si Tony Gonzaga og Gold Play Button award gikan sa Youtube. Miabot na sa million ang subscribers ni Toni. Dako ang pasalamat ni Toni sa iyang manghod nga si Alex Gonzaga gumikan kay mao kini ang nagtuklod niya nga sudlon ang paghimo og vlog.

Jowaversary

Gihinumduman nila ni Billy Crawford ug Coleen Garcia ang adlaw kun kanus-a sila nag-uyab. Matud pa ni Coleen sa iyang Instagram post nga lima ka tuig na sila nga magkarelasyon ni Billy.

Naningning

Wala makauyon si BB Gandanghari nga gitawag siya sa iyang kanhi nga pangalan nga ‘Rustom’. Gipakita ni BB sa iyang Instagram post nga matud pa dunay columnist ang nigamit og  “him” sa usa ka mensahe. Mipahinumdom si BB nga usa siya ka babaye ug wala sab kini katungod nga tawgon siya sa iyang kanhi nga pangalan.

Pasok sa kg

Nahimamat na sa ‘Kadenang Ginto’ star nga si Kyle Echarri ang mipasikat sa “You Do Note” nga mi-impersonate sa mga linya sa maong serye. Miulbo karon ang hungihong nga pasudlon ang bata sa serye. Giingong naninguha ang  direktor nga si Jojo nga mahatagan kini og role.

Magnegosyo sa siargao

Dili bakasyon ang tuyo ni Yassi Pressman sa Siargao kun dili aron nga asikasuhon ang iyang ipatukod nga negosyo. Magpatukod og mexican-inspired resto bar ang aktres nga tawagon og Zicatela.

Himoan og musical

Malipayong gipahibalo ni Rey Valera nga adunay maayong plano nga pagahimoon alang sa iyang mga sinuwat nga mga awit. Matud pa ni Rey nga giandam na ang iyang mga awit aron  himuan og musical. Usa ka musical show ang giluto nga karon sa iyang gisaligan nga production. Nanghinaot si Rey nga dili lang mawala ang tinuod nga kahulugan sa iyang mga awit.

Magpaunod gamay

Tambag pa ni Dawn Zulueta nga mas maayo nga magpaunod pa gamay sa lawas samtang  magkataas na ang edad sa tawo.  “I think nakakatulong yung habang tumatanda ako, I’m putting on some weight. But I’m doing it quite slowly so parang nagpi-fill in yung mga lines mo”, suma pa ni Dawn.

Daniel, producer na

Gawas nga usa ka sikat nga aktor, usa na ka producer si Daniel Padilla. Ang music video sa Jose Carlito Band nga nag-ulohan og ‘Big White Wall’ mao ang una niya nga gi-produce. Manghod ni Daniel si Jose Carlito.