Semi-finalists sa visayan music awards gipahibalo na
CEBU, Philippines — Gilusad sa Sacred Heart School for Boys Batch 1985 Foundation, Inc. ang labing una nga Visayan Music Awards alang sa pagpasidungog sa mga musikero nga adunay dako nga natampo sa pagpalambo sa Binisaya nga awit.
Maingon nga mao na sab kini ang bag-ong luna sa mga musikero aron mas mapadayag nila ang ilang dako nga pagmahal sa pagama og mga awit dili lang alang sa mga Bisaya apan alang sab sa tanan.
Dugang pa nga mao kini ang kalihukan nga mahimong mopakatap ngadto sa uban ang kultura nga mga Bisaya ngadto sa nagkadaiyang bahin sa kalibutan.
Ang maong kalihukan gi-endorso usab sa Office of the Presidential Assistant for the Visayas.
Ang pagdawat og entries nisikad niadtong Marso ug natapos na kini niadtong Mayo 31 lang. Ug karon, hingpit na nga gipahibalo ang nahimong kabahin sa mga semi-finalists.
Sa wala pa nahitabo ang hinas-hasay sa pagkuha og Top 15, og kapin sa 500 ang gisumiter nga entries .
Sa 15 nga entries, hagpatan pa kini hangtud sa mapilian ang pito ka entries kun palapdan og maayo ang areglo niini nga mao ang opisyal nga i-produce alang sa live performance nga mahitabo karong labing una nga Visayan Music Awards Finals night nga mahitabo karong Hulyo 27, 2019 sa Oakridge Pavillion.
Suma pa sa project chairperson nga si Barney Borja nga sa tulo ka adlaw nga nahitabong proseso sa screening , lisod matud pa ang pagpili kun kinsa ang angayan nga malakip sa Top 15 karong tuiga.
“It was hard to narrow down the selection because the songs were so good”, suma pa ni Borja.
Dugang pa ni Borja nga dekalidad gyud ang ilang gipili nga mga kanta nga makakuha og atensyon sa mga dunggan sa kinabag-an.
Ang mga orihinal nga awit adunay maayong pagpundok sa mga liriko, maayo ang melodiya kun diin maingon nga kumpleto sa rekados ug dugangan og gamay nga pagpalambo.
Ang mga mananaog sa labing una nga Visayan Music Awards makadawat og P100, 000, P75, 000 ug P50, 000.
Ang makapwesto gikan sa ikaupat hangtud sa ikapito nga pwesto makadawat og P10, 000.
Dili lamang dako nga ganti ang ilang mauli gumikan kay ang pito ka mga mananaog makadawat og scholarship nga mobalor ngadto sa P150, 000. Usa kini ka post-graduate or bachelor’s degree diploma gikan sa Thames International's Innovation and Creative Enterprise Program kun ICE.
Ang naglangkob sa Top 15 mao kini ang mosunod:
• A Rose Has Its Thorns’ ni Paul John Toral
• Alu’ ni Hakeem Duazo
• Ayaw Sa Karon ni Ramon’ Christopher Calam
• Balitaw’ ni Adonis Durado
• Grasya’ ni Mark Erik Gavino
• Gukod-Gukod’ ni Kenneth Tayongandaga
• Higayon’ ni Ralph Maligro
• Hit & Run’ ni John Peterson Villarin
• KNKK’ ni Ruel Cerino
• Lingi-a’ ni Melay Libres
• Matag Piraso’ ni Ferdinand Aragon
• Natulog Mong Kasing-Kasing’ ni Irving Guazon
• Nganu’ ni Fritz Baguio
• Sama Lang Kanimo’ ni Fr. Reymund Quito
• Tani’ ni Ian Rey Bañez
- Latest
