Facebook detox

I deactivated my facebook account effective Wednesday, April 10.  Facebook Detox akong tawag ana. Mura’g late na gani ko this year, kay sa nilabay nga tuig, I started as early as February. Nya nibalik ko pag-Easter Sunday. So this year, mura’g two weeks ra ko magdetox ani.

Why FB Detox? There are two reasons. Una, personal sacrifice agi’g pagyukbo sa kasakitan ni Hesus sa krus. Mura’g, imong i-deprive imong kaugalingon ba sa us aka butang nga mura’g dili ka mabuhi kun wala.  Importante gyud kaayo nako na’ng facebook baya kay mamaligya man lagi ta’g ginamagmay, so anha ra gyud ta’s FB mahalinan. So, nadugay ko’g sugod sa akong detox kay nananingkamot pa man sab ko nga mahalinan. Pakkk!

Ikaduha nga rason mao nga it’s a breather. Timing sab nga samok kaayo ron ang facebook uy gumikan anang app nga pangutan-o ka ni bisan kinsa pero dili sila magpaila nimo. Samok kaayo magbaha sa imong newsfeed, ang uban walay kwenta nga pangutana ug tubag. Pakkk!

But yeah,kun magdeactivate ka, mura ka’g makaginhawa. Walay samok imong hunahuna. Hayahay imong paminaw. Kay sa ato naman gud nga nahisgutan diri sa nilabay nga duha ka magkasunod nga Domingo, naa sa facebook ang makamugna og stress. Kay dili sab gyud malikayan nga masuya ta sa uban natong fb friends, usahay matandi sab nato atong kaugalingon ngadto sa uban, unya maguol ug mahasol ta nganong sila nindot na og life, nya kita nagkamang pa’s tumang kalisud. Pakkk!

Mao na nga muginhawa usa ta. Let’s disconnect from social media. Atong hatagan og kalinaw atong hunahuna bisan usa ka semana lang. Let’s go back to the basic nga simple ra kaayo atong daily routine. Katong mga panahon nga atong means of communication kay cellphone ra gyud. Mao nga akong cellphone nga pang text and call ra gyud akong i-on karon nga Semana Santa sugod karong adlawa. And hopefully, I’ll have a meaningful and deep observance of the holy week, away from the hustle and bustle of city life. Pakpak!

May we have a blessed Holy Week, dear okRYANians!