Direktor ug singer

CEBU, Philippines — Ang Kapamilya star nga si Erich Gonzales ang mihatag og direksyon sa music video sa Thai rapper nga si Marco Maurer kinsa igsuon ni Thai actor nga si Mario Maurer. Aduna gyu’y dako nga partisipasyon ang aktres gumikan kay lakip sab siya sa miawit sa maong kanta nga nag-ulohan og “Won’t Let You Go”.

Mag-uma puhon

Plano ni Robin Padilla nga mag-uma na lamang kun moretiro na siya puhon sa showbiz. “Yun talaga ang plano namin kaya ilang beses kami sumubok na umalis, nag-aral pa kami, ng iba’t ibang organic (farming) sa abroad, talagang tinignan namin ang direksyon na gusto namin puntahan”, suma pa ni Robin.

Busy sa negosyo

Nagmalaumon si Kim Chiu nga maka-post og balik  og vlog sa  iyang Youtube account. Gisugdan ni Kim ang paghimo og vlog niadtong 2017 apan wala na kaayo  siya makaatiman niini tungod sa iyang ka-busy. Tsika pa ni Kim nga gawas  sa  showbiz, gisudlan na sab niya ang pag-negosyo ug mao kining usa ka realty business. Dugang pa ni Kim nga taud-taud na siya sa maong negosyo mao nga busy gyud siya kanunay.

Mr. M Matinabangon

Una pa mipanaw ang komedyante nga si Bentong, nakahigayon pa gyud kini og pagpadangat sa iyang mensahe ngadto sa iyang giila nga bossing nga si Johnny Manahan o mas naila isip si Mr. M kinsa mao ang nahimong instrumento kun nganong naila siya sa kadaghanan. “Siya nag-discover sa akin. Wala akong masabi sa kanya. Napakabait ni Mr. M. Nagkasakit nga ‘yung anak ko, humingi ako ng tulong sa kanya. Binigyan niya ako ng pera, ‘yun gumaling nga anak ko. Ang birthday message ko Mr. M pag-ingatan mo sarili mo. Mahal na mahal kita. Hindi kita makakalimutan. Pasensya ka na po Mr. M nagiging emosyonal ako dahil sa mga tulong niyo sa akin. Nag-iisa ka lang Mr. M, wala kang katulad. Happy birthday, maraming Salamat”, mensahe ni Bentong.

Apple of my eye

Gikalipay pag-ayo ni Bela Padilla nga karong Valentine’s Day na mapagawas ang iyang online film project sa iWant and Dreamscape Digital nga nag-ulohan og  “Apple of my Eye”. Mao kini ang unang online project ni Bela nga na-aprubahan sa  miaging tuig. Si Bela mao ang misuwat sa istorya niini. Bidahan ang maong pelikula sa iyang mga higala sa showbiz nga sila si Marco Gumabao ug Krystal Reyes.

Giapas

Miapas gyud si Arjo Atayde sa gilaagan  karon ni Maine Mendoza sa U.S. Ang duha giingon nga adunay tagsa-tagsa ka mga kabilinggan sa trabaho apan gipili nila nga magkita. Gani, gi-post ni Arjo ang hulagway ni  Maine kun diin malipayon gyud ang dagway sa aktres. Naa sa  New York si  Maine ug gikan sa Virginia si Arjo alang sa ilang show ni Maja Salvador.

Dali mingawon

Kapin sa usa ka tuig ang paghuwat ni Angelu de Leon una siya midawat pagbalik og regular show sa GMA Network. Ang katapusang show ni Angelu mao ang “Mulawin vs. Ravena” niadtong 2017. Matud pa ni Angelu nga dali siya mingawon sa iyang pamilya mao nga special appearance lang una siya sa miaging tuig aron dili hago ang iyang schedule sa trabaho ug pamilya.

Dili ganahan

Mas pabor si Mika dela Cruz nga dili makatrabaho sa mga proyekto ang iyang boyfriend nga si Nash Aguas. “Nagka-work na kami before, okay na yun. Alam na namin yung pakiramdam. Masaya kami na simple lang, masaya lang”, tsika pa ni Mika.

Walay ka-date

Tsika pa ni JM de Guzman nga wala siya’y ka-date karong Valentines Day. Matud pa niya nga mas maayo nga tagamtamon niya ang mga blessings nga iyang nadawat karon sa iyang career kaysa mangita og ka-date karong Valentine’s day. Pokus gyud si JM sa iyang mga tinguha sa kinabuhi ug sa iyang pamilya.