John Lloyd maraming pinakawalan na milyones para kay Ellen
Marami ang nagsasabi na hindi umano magandang influence si Ellen Adarna sa nobyo nitong si John Lloyd Cruz dahil magmula nang maging sila ay napabayaan na ng actor ang kanyang career hindi lamang bilang actor kundi bilang product endorser.
Sa halos walong buwan na walang ginagawang bagong project si John Lloyd sa TV at pelikula at maging sa mga product endorsements nito, milyones na pinakawalan nitong kita.
Sayang naman!
Kim at Xian hinahanapan ng magkasamang assignment
Kahit wala na sa pangangalaga ng Star Magic si Xian Lim magmula nang ito’y lumipat sa bakuan ng Viva Artists Agency (VAA), hindi naman ito nangangahulugan na hiwalay rin sila ng kanyang perennial screen partner at ‘partner sa puso’ na si Kim Chiu dahil madalas pa ring magkasama ang dalawa sa mga lakaran kapag pareho silang walang ibang commitment.
Kaya naman umaasa pa rin ang mga tagahanga ng tambalang Kim at Xian na sana’y magkatrabaho pa rin ang dalawa sa isang TV series o pelikula kahit magkaiba na ang kanilang kinabibilangang management company.
Baron inaasahang tatalikod na sa alak
Mukhang desididong magbago ang actor na si Baron Geisler dahil ito mismo ang nag-volunteer na magpa-rehab para gumaling at matanggal na ng tuluyan ang kanyang pagiging alcoholic lalo pa’t mga mahal sa buhay na niya ang kanyang nasasaktan.
Dahil sa sunud-sunod na gulo na kinasangkutan ni Baron na madalas mangyari kapag siya’y nakakainom, hindi na rin siya halos nabibigyan ng trabaho bilang actor dahil sa kanyang masamang imahe. Ganun pa man, umaasa ang marami na sana’y tuluy-tuloy na ang pagbabago ni Baron at hindi sa simula lang. When this happens, he deserves another chance in showbiz lalo pa’t isa siyang magaling na actor.
- Latest
