Cristine hindi ginastusan ang pamilya!
Alfred sumabak uli sa pagpo-produce, pasok sa TOFarm Filmfest!
PIK: Si Cong. Alfred Vargas ang isa sa excited at tuwang-tuwa na nakapasok ang entry niya sa 1st TOFarm Film Festival sa July na binuo ng United Harvester Incorporated.
Si Alfred ang producer at bida sa isang entry na may pamagat na Pana-Panahon na alay sa mga magsasaka. Si Direk Zig Dulay ang nagsulat at magdidirek nito.
Anim ang entries na maglalaban at ang lima pang kalahok ay Free Range ni Dennis Marasigan, Kakampi ni Victor Acedillo, Jr., Pauwi na ni Paolo Villaluna, Pilapil ni Jose Johnny Nadela, at Pitong Kabang Palay ni Mariel Cariaga.
PAK: Ilulunsad na ang Starstruck avenger na si Natalie Hart sa isang sexy movie na ididirek ni Joel Lamangan.
Ito ‘yung Siphayo na ipu-produce ng BG Film Productions.
Ilang buwan ding nawala si Natalie na ang tsismis ay panay daw ang abroad courtesy of her mayamang benefactor.
Nagulat si Natalie sa naturang tsismis dahil nag-aral daw siya sa India ng Jewelry Designing, at hindi iyon gastos ng mayamang benefactor, dahil wala siyang ganun.
“Sana meron, pero I’m very much single,” bulalas ng 23-year-old starlet.
Nagtatrabaho raw siya nang maayos, at masaya na siya kung ano’ng meron siya ngayon.
“Now I’m very happy kung nasaan man ako ngayon. The fact that I’m having another job and everything, hindi ko kailangan gawin ‘yun,” diretso niyang pahayag.
BOOM: Hindi nakadalo sa kasal ni Cristine Reyes ang Mommy Klenk niya at ilang kapatid na ginanap sa Balesin. Pero kumpleto pala ang pamilya ni Ali Khatibi dahil sila raw ang gumastos ng pagpunta nila roon pati ang accommodation.
Sa pamilya ni Cristine, si Ara Mina lang ang dumalo dahil siya raw ang gumastos ng pagpunta niya roon.
Hindi naman daw talaga nag-imbita si Cristine, pero sinabi daw niya sa lahat na pamilya at malalapit na kaibigan. Iyun nga lang, hindi sagot ng bagong kasal ang gastos, dahil meron naman daw silang church wedding dito sa Maynila. Kaya okay lang na hindi nakadalo ang ibang pamilya ng Kapamilya actress.
Bukod pa riyan, meron pa raw silang kasunod na selebrasyon dito, para sa binyag naman ng anak nina Cristine at Ali kasabay ng kaarawan ng aktres.
Naiintindihan naman daw ng pamilya ng aktres na medyo tipid sina Cristine sa kanilang kasal sa Balesin.
- Latest
