Pati raw pagkain at cut off niya pinakikialaman Coleen ibinukong nagpapaka-stage boyfriend si Billy

Bukod sa It’s Showtime ay abala na rin ngayon si Coleen Garcia sa paggawa ng teleseryeng Pasion de Amor. Makakatambal ng aktres si Joseph Marco sa nasabing proyekto “This a remake of a Colombian teleserye. It was po­pular in its time and it has a good story. My sisters here are Ellen Adarna and Arci Muñoz and my partner here will be Joseph Marco. We will also be joined by Jake Cuenca and Ejay Falcon,” pagbabahagi ni Coleen.

Nakatakda ring gumawa ng isang pelikula ang aktres kasama si Sam Milby, and Ex with Benefits. Nae-enjoy ni Coleen ngayon ang iba’t ibang karakter na kanyang ginagawa sa mga proyekto. “I want that in every project, I want to be able to say that you’re going to see a different Coleen. I want to be able to say that with every project that I do and my character in Pasion de Amor is very, very different from my character in Ex With Benefits. So it’s going to be the most challenging part since I’m going to be juggling both at the same time. So I guess that’s going to be the most challenging part about it,” paliwanag ni Coleen.

Samantala, naibahagi rin ng aktres na todo-suporta raw ang kasintahang si Billy Crawford sa lahat ng kanyang ginagawa. “100% full support, he’s a stage boyfriend not in a sense that he gives me tips pero basta stage boyfriend siya,” natatawang pahayag ng dalaga. “Pati ‘yung food ko and everything, ‘yung hours of rest ko. He always makes me feel like pinaparamdam niya ‘yung suporta niya sa akin. I’m very blessed to have that especially now na I’m shif­ting to different things kasi. I’m trying things that I’ve never done before and ako mismo parang I’m stepping out of my comfort zone and what I really need most from him is support and he’s been giving that to me,” pagtatapos ng dalaga.

Kathryn tanggap na hindi sila forever ni Daniel

   Nararamdaman na raw ni Kathryn Bernardo na darating ang panahon na hindi na sila magkakatambal sa mga proyekto ni Daniel Padilla. “Wala naman yatang love team na forever kaya kahit ayaw mo na maka-love team na iba, o kaya ay hindi ka sanay eh part talaga ‘yon. Ayaw muna naming isipin ‘yon ngayon, ayaw muna naming isipin na magkaiba ng love team,” bungad ni Kathryn. “Kahit ayaw namin siyempre hindi naman ‘yon pwede. Ayaw muna naming isipin kasi nakakalungkot na kasama for almost three years tapos iba bigla ‘yung kasama mo. Well okay lang naman ‘yon. Ayaw ko namang maging selfish sa kanya. Pwede din siyang i-love team sa iba pero iba lang talaga na comfortable na kayo sa isa’t isa,” dagdag pa niya.

Si Khalil Ramos ang katambal ngayon ni Kathryn sa Wansapanataym at nagpapasalamat ang aktres dahil sa patuloy na pagsuporta ng kanyang mga tagahanga kahit iba ang kapareha niya sa nasabing serye. “Ang good thing sa KathNiels kasi sinusuportahan kami as love team at sinusuportahan kami as individual. So kapag si DJ sinusuportahan nila, kapag ako, so thank you,” giit ni Kathryn.

Muling makakatambal ng dalaga si Daniel sa remake ng hit teleseryeng Panga­ko Sa ‘Yo na pinagbidahan noon nina Kristine Hermosa at Jericho Rosales.                                         Reports from JAMES C. CANTOS