Goma hindi pa alam kung paano magpa-pasko

Ngayon pa lamang ay excited na raw mag-shooting ni Richard Gomez ng pelikulang gagawin nila ni Gretchen Barretto sa susunod na buwan. “Last time we worked together was a long time ago. Tinawagan siya ng Star Cinema because she was the perfect cast for the movie. We’re very good friends. We’re very excited about this project and we’re happy we’re doing this together with Star Cinema and ABS-CBN. This is the culminating movie of Star Cinema on its 20th Anniversary,” bungad ni Richard.

Samantala, hindi pa raw alam ng aktor at ng kanyang pamilya kung paano nila ipagdiriwang ang Kapaskuhan dahil sa naging pinsala na dala ng bagyong Yolanda. Sobrang naapektuhan ang kanilang lugar sa Ormoc at ilan pang karatig bayan nito. “It will be a quiet one but of course we will spend it with friends. Siguro we’ll be together with the whole family. Pero as early as now hindi pa rin alam kung paano ise-celebrate ‘yung Christmas this year,” pahayag ni Richard.

Naniniwala raw ang aktor na unti-unting makababangon ang mga kababayang naging biktima ng kalamidad. “With what happened to us, there’s no magic pill for that. We’ll have to do things one day at a time to rebuild our broken homes. Magtulungan lang tayo, gano’n lang. Let’s find a good system that will be beneficial to everybody.” pagtatapos ng aktor.

Bestfriend ni Angel wala ring muwang sa nangyari kay Phil

Isa si Dimples Romana sa mga pinakamalapit na kaibigan ni Angel Locsin. Naapektuhan daw si Dimples nang malamang nagkahiwalay na sina Angel at Phil Younghusband kamakailan. “Alam naman natin lahat ang love story nila, pero pareho pa rin natin silang kaibigan at saka alam naman ni Gel (palayaw ni Angel) kung ano ang nararamdaman ko about whatever happens in her life. I’m there to support her whether sa love life or whether it’s about her business or whether about her career. I’m always going to be there for her,” naka­ngiting pahayag ni Dimples.

Laking gulat daw ng aktres noong unang marinig ang tungkol sa naging hiwalayan ng dating magkasintahan.

Aminado rin si Dimples na hindi niya alam kung ano talaga ang dahilan ng paghihiwalay nina Angel at Phil. “Nagulat din ako, lahat naman ng relasyon na nag-i-end, nanghihinayang talaga dahil sayang ‘yung relationship at ang sweet-sweet nila eh. Hindi ko rin alam, I’m not the type of friend who would ask unless she tells me. So we haven’t had time because she was so busy helping out the Red Cross, very busy with The Legal Wife. So once malaman ko ‘yan baka ‘pag magkita na tayo may masasabi na ako,” paliwanag ni Dimples.

Samantala, hanggang ngayon ay hindi pa rin daw nakakausap ng aktres si Phil. “’Di ko pa siya nakikita. Kasi after that Yolanda happened, parang hindi ko na gustong tanungin. I would rather let them keep doing what they want now kaysa usisain ko pa kung ano ang nangyari but the whole point is if they are both okay, I am okay with that.” giit pa niya. Reports from JAMES C. CANTOS