Rodel, JC sa isang sexy fashion show

Pagkatapos lumabas sa pelikulang Itlog si Rodel Velayo at sa Masarap Ba Ang Bawal? si Juan Carlos Castro, masisilayan na naman ang kanilang kakisigan sa Summer 2002: The First Escapade, isang sexy fashion show ngayong Biyernes, Abril 26, 8:30 ng gabi, sa Phenomena Disco (Timog Ave., Q.C.).

Bibihisan sila ng Fashion Artists Foundation (FAF) officers and members na kinabibilangan nina Eddie Castro, Ramon Favila, Larry Zuñiga, Jay Sustiguer, Simon Ariel Vasquez at Ryan Pacioles) kung saan ang kanilang latest, all-new resort and beach wear collection ang irarampa.

Kabilang sa mga rarampa ay ang professional model hunks na sina Lauren Novero (Bodyshots 2001 winner), Erie Matic (Best Model of the World 2001 winner), Gilmarie Pacamarra (Bb. Pilipinas 2002 finalist), PMAP model Joanne Padilla at ang ABS-CBN Star Circle member na si Laura James.

Join rin ang ilang bikini contest winners tulad ng guwapong si Jordan Hermogenes (Mossimo Bikini Summit 2002 1st runner-up), April Tanhueco (Mossimo Bikini Summit 2002 2nd runner-up) at si Clarissa Mercado (Boracay Bodies 2002 title holder).

Ang Summer 2002: The First Escapade ay mula sa over-all concept at direksyon ng music and fashion writer-turned-fashion director na si Mel Padua. Para sa detalye, makipag-ugnayan sa Starweb office sa tel. 8055129 o mag-text sa 0916-4622774 o sa Phenomena office, tel. 9253589.