HVT sa Cavite, utas sa drug bust
CAVITE, Philippines — Bumulagta matapos ang may ilang minutong habulan at barilan ang isang high Value Target ng pulisya sa naganap na drug bust kamakalawa ng gabi sa Brgy. Tapia, Gen. Trias City.
Kinilala ng pulisya ang napatay na suspek na si Warlito Sinsay Crisino, nasa hustong gulang at residente ng Brgy. Pasong Camachille-2, Gen. Trias City, Cavite.
Sa ulat mula sa tanggapan ni Cavite Provincial Director Police Col Marlon Santos, alas-8:40 ng gabi ng magkasa ng operasyon ang pinagsanib na puwersa ng PDEA at DEU operatives ng Gen. Trias Police laban sa suspek.
Habang isinasagawa ang transaction, nakaramdam umano ang suspek na pulis ang kanyang ka-deal kaya agad siyang tumakbo at pinaputukan ang mga pulis. Nagkaroon ng habulan at barilan hanggang bumulagta ang suspek
Narekober sa suspek ang cal. 45 pistol (Armscor Sn. 1313784), 6-sachet ng shabu na nasa 25 gramo at may P200,000 na halaga, at isang sasakyan.
- Latest
