Cagayan trader, pinabulagta

TUGUEGARAO CITY, Cagayan, Philippines  - Pinabulagta ng riding-in-tandem assassins ang 37-anyos na trader habang ito ay nagmomotorsiklo sa Barangay Lucban, bayan ng Abulug, Cagayan noong Miyerkules ng gabi. Base sa police report na nakarating kay P/Senior Insp. Delmar Abuzo, hepe ng Abulug police, dakong alas-10:30 ng gabi nang ratratin ang biktimang si Alwin Maguddatu habang dumadaan sa harapan ng bahay na pag-aari ni Esperanza Liza na sinasabing walang street lights. Sinikap na maisugod sa Far North Luzon General Hospital and Training Center sa katabing bayan ng Luna, Apayao ang biktima subalit idineklara itong patay. ?

Sinisilip ng pulisya ang anggulong may kinalaman sa droga o negosyo ang isa sa motibo sa pamamaslang.