Binatilyo lasog sa kotse

TUGUEGARAO CITY, Cagayan , Philippines - Nagkalasug-lasog ang 16-anyos na binatilyo matapos itong tumbukin ng rumagasang kotse habang tumatawid sa Halsema Highway sa Barangay Amgaleygey, bayan ng Buguias, Benguet kamakalawa. ?Sa police report na nakarating kay P/Chief Insp. Peter Dapliyan, hepe ng Buguias PNP, nag-overtake sa isa pang sasakyan ang driver ng kotse na si Nolie Esiong kaya natumbok ang biktimang si Yawi Mariano na tumatawid sa kalsada. Ayon sa report, tumilapon ng ilang metro ang biktima habang nagtuluy-tuloy naman sa pagtakbo ang kotse hanggang mabangga ito sa isang poste ng kuryente.? Namatay habang ginagamot sa Lutheran Hospital si Mariano habang dinakip ng mga pulis si Esiong matapos ang sakuna.