Shellfish ban nananatili

MANILA, Philippines – Patuloy na ipinaiiral ng Bureau of Fisheries and Aquatic Resources ang shellfish ban sa Balite Bay sa Davao Oriental dahil sa patuloy na pagtaas ng toxicity level ng red tide sa nasabing baybayin. Nakipag-ugnayan na si Asis Perez, director ng BFAR sa mga opisyal ng lokal na pamahalaan ng Davao Oriental na bawalan ang mga residente na manguha, magbenta at kumain ng shellfish products tulad ng tahong, halaan gayundin ng alamang. Ang isda, hipon at alimango naman mula sa naturang baybayin ay maaaring kainin basta’t linising mabuti. Ligtas naman sa red tide toxin ang  mga lugar na nasa paligid ng baybayin ng Manila Bay tulad ng Cavite at Bulacan.