Pulis dedo sa shootout

NORTH COTABATO, Philippines – Napatay ang isang tauhan ang PNP matapos makipagbarilan sa mga di-kilalang kalalakihan sa Purok Dulangan, Barangay Poblacion 1 sa bayan ng Banisilan, North Cotabato noong Sabado ng gabi. Kinilala ni P/Chief Insp. Bernard Tayong, tagapagsalita ng Cotabato PNP Provincial Office ang biktima na si PO3 Fredo Duenas na nagtamo ng tama ng bala sa dibdib. Nabatid na rumesponde ang pangkat ni PO3 Duenas sa naganap na pamamaril ng mga di-kilalang kalalakihan sa Purok Kapayapaan. Gayon pa man, bago pa man makarating ay pinagbabaril na sila ng mga armadong kalalakihan kaya sumiklab ang bakbakan. Napuruhan si PO3 Duenas kung saan idineklarang patay sa Wao Community Hospital.