Drone bumagsak sa Masbate
LEGAZPI CITY, Albay, Philippines — Isa na namang drone na pag-aari ng Amerika ang bumagsak sa karagatan ng sakop ng Brgy. Patosan, Baleno, Masbate kamakalawa ng hapon.
Bandang alas-5:30 ng hapon ng marekober ang nasabing drone ng ilang mga magingisda ng naturang lugar kung kaya kaagad na ipinagbigay alam sa mga awtoridad ang naturang insidente.
Narekober sa naturang barangay ang may markang “US NAVAIR marker locator marine MK 58 mod 1, 1370 - 01 - 074 - 0591 - 1580 - ATV 00d001 - 003 na tinatayang may habang 16” at 4.5 ang diameter nito.
Kaagad namang dinala ng mga rumespondeng pulis sa kanilang himpilan ang naturang drone na inaalam na kung paano napunta sa lugar.
Magugunita na nitong nakalipas na linggo ay isang aerial target drone ng US Navy ang narekober sa karagatan ng Patnanungan, Quezon.
- Latest
