^

PSN Palaro

Bay Area swak sa semis

Russell Cadayona - Pilipino Star Ngayon
Bay Area swak sa semis
Naging mala-duwende sina Rain or Shine guards Rey Nambatac at Andrei Caracut laban kay Bay Area import Andrew Nichol-son.
Russell Palma

MANILA, Philippines — Walang kahirap-hirap na dinakma ng No. 1 Bay Area ang unang semifinals ticket matapos gibain ang No. 8 Rain or Shine, 126-96, sa quarterfinals ng 2022 PBA Commissioner’s Cup kahapon sa Philsports Arena sa Pasig City.

Nagposte si Hayden Blankley ng career-high na 47 points at may 32 mar­kers si 6-foot-10 import Andrew Nicholson sa pagsibak ng Dragons, nagbitbit ng ‘twice-to-beat’ advantage, sa Elasto Painters.

Lalabanan ng Bay Area sa best-of-five semifinals series ang mananaig sa quar­terfinals duel ng San Mi­guel at Converge.

Aminado si Dragons’ coach Brian Goorjian na ma­hihirapan sila sa Beermen kung sila ang magta­tapat sa semis.

“This is not the same San Miguel team that we saw in the regular season with (Terrence) Romeo in the team now, the big fellow (June Mar Fajardo) back and their overall depth. It’s gonna be a real challenge for us,” ani Goorjian.

Pipilitin ng Beermen na isara ang quar­ter­finals war nila ng Fi­ber­Xers sa Game Two nga­­yong alas-6:45 ng gabi matapos ang 114-96 pana­lo sa Game One noong Mi­yerkules.

Kinuha ng Bay Area ang 27-16 abante sa first pe­riod bago nakalapit ang Rain or Shine sa 40-49 sa second quarter.

Ngunit isang 11-4 bomba ang inihulog ng Dragons para tuluyan nang iwanan ang Elasto Painters sa halftime, 60-44.

Pinamunuan ni Rey Nam­batac ang Rain or Shine sa kanyang 19 points kasunod ang 15 markers ni import Ryan Pearson.

Sa ikalawang laro, pina­talsik ng No. 2 Magnolia ang No. 7 Phoenix, 102-95, papasok sa semis.

Umiskor si Calvin Abueva ng 19 points at humakot si import Nick Rakocevic ng 18 markers at 13 rebounds para sa Hotshots.

PBA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with