Kane inilusot ang England
VOLGOGRAD, Russia — Dalawang beses pinabagsak sa damuhan sa kanilang laro, nakalusot si England captain Harry Kane sa mahigpit na Tunisian defense bago maubos ang oras.
Ginamit ni Kane ang kanyang ulo para sa kanyang winning goal at tulungan ang England sa 2-1 panalo laban sa Tunisia sa Group G ng 2018 World Cup.
Dahil sa sobrang kasiyahan ay tumalon sina Kane at Gareth Southgate, ginawa ang kanyang World Cup debut bilang coach.
Ibinigay ni Kane ang 1-0 abante para sa England mula sa isang 11th-minute tap in bago ito sinagot ni Ferjani Sassi sa ika-35 minuto para itabla ang Tunisia sa 1-1.
“Maybe there was a bit of justice at the end,” wika ni Kane sa mga fouls na itinawag sa England.
Ipinakita ni Kane sa international stage ang kanyang predatory instinct na hindi niya nailabas dalawang taon na ang nakakalipas kung saan nabigo ang striker na makaiskor noong 2016 European Championship na nagresulta sa pagkatalo ng England laban sa Iceland sa Last 16.
- Latest
