_ngayon
^

Kailan babalik?

PILANTIK - Dadong Matinik (Pilipino Star Ngayon) - January 7, 2018 - 12:00am

Bayang sinilangan -- Candelaria, Quezon

probins’yang Tayabas tawag dito noon;

sabi’y ang Espanya siyang panginoon

Rizal, Bonifacio ay nagrerebolusyon!

 

Maraming iba pang bayani ng bansa

ang nakipaglaban sa mga Kastila;

nang ang bansang Hapon sa ati’y nagnasa

tayo ay sinakop, ginawang kawawa!

Sa Baler, Tayabas biglang isinilang

si Manuel L.Quezon na may diwang paham

kalayaan natin kanyang inilaban

hanggang sa lumaya itong ating bayan!

 

Nang tayo’y lumaya kaming mga bata

ay naging masigla at nag-aral pa nga;

habang naglalaro kami’y maligaya’t

ang mga bilihin ay naging mamera!

 

Ang mga kalaro’y batang kapitbahay

at kilala kami ng mga magulang;

mga ama’t ina ay nagbabatian

sa ulam at kanin ay nagbibigayan!

 

Sa mga tindahang malapit sa iskul

sa iisang pera pansit isang bunton

ang lapis at papel nahihingi noon

at ang mga aklat palibre maghapon!

 

Kailan babalik panahong ganito

na lubhang maluwag pamumuhay dito?

kahit ang daigdig ay bata pang mundo

walang naghihirap kahit bumabagyo!

 

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with