Mga kamalasan

Matagal nang ako’y nagpipigil lamang

Na dito’y sulatin mga kamalasan;

Ang una’y malas ko sa sariling buhay

Pangalwa’y ang malas nitong ating bayan!

Unang kamalasan ay aking nadama

Sa mga pagkaing hindi pala tama –

Dahil kumikita at naging sagana

Pagkaing masarap ay tinikmang pawa!

Matatabang isda, masarap na litson

Pagkaing matamis, de lata at hamon;

Saka crispy pata, tsokolateng mamon

Kaya naospital sa mga nilamon!

Sumunod kong malas ako ay nilisan

Ng mahal kong mutya na mahal kong ginang;

Umakyat sa langit at ako’y iniwan

Puso ko’y lumuha laking kamalasan!

Sumunod kong malas ay malas ng bayan

Dahil mga lider ay malas sa buhay;

Malakas na bagyo ay biglang nagdaan

Ito’y si Yolanda pumuti ng buhay!

Malas din ang bansa at kahiya-hiya

Krimen at patayan ngayo’y naglipana;

Pulis at military ay kasabwat yata’t

Hindi malunasan traffic sa Maynila!

MRT, LRT ay biglang lumitaw

Pero laging sira baya’y umaangal;

At ang PNR tren ay pinabayaan –

Mga nasa province sabik sa pasyalan!

Mga pulitiko ay nagkalat ngayon

Dahil malapit na pambansang eleksyon;

Sa halalang ito malas ibang paksyon

Tiyak dadayain ng nasa posisyon!