Anti-trafficking group, binuo sa Quezon CIty
MANILA, Philippines — Nilagdaan ni Quezon CIty Mayor Joy Belmonte ang ordinansa na reresolba sa problema sa trafficking sa mga kabataan at kababaihan kaalinsabay ito sa pagdiriwang sa National Women’s Month ngayong Marso.
Ang nalagdaang Ordinance No. 2999 S-2020, o ang Quezon City Anti-Trafficking in Persons Ordinance Act ay binuo alinsunod sa Republic Act 10364 or the Expanded Anti- Trafficking in Persons Act of 2012 para pangalagaan ang bawat indibiduwal sa trafficking lalo na ng mga kababaihan at kabataan.
“Sa pagdiriwang natin ng Buwan ng Kababaihan, mahalagang mapagtuunan natin ng pansin ang kanilang kapakanan, kalusugan at kaligtasan.Through this, we hope to strengthen the city government’s various efforts to combat trafficking in persons, which victimizes mostly women, and to provide needed assistance to the victims,”sabi ni Belmonte.
Nilikha ng ordinansa ang Quezon City Council on Anti-Trafficking (QCCAT) na magsisilbing pangunahing armas ng lokal na pamahalaan para matiyak na naipatutpad ang batas laban sa trafficking.
Ang QCCAT ay pamumunuan ni Mayor Belmonte bilang chairperson, si Vice Mayor Gian Sotto bilang co-chairperson at ang head ng Social Services Development Department (SSDD) bilang vice chairperson. Miyembro naman ng Council ang chairpersons ng Committees on Women, Family Relations and Gender Equality, Children’s Affairs, Social Services and Public Order and Safety kasama na ang presidente ng Liga ng mga Barangay at QC Pederasyon ng Sangguniang Kabataan.
Ang mga nabanggit ay magsasama sama para bumuo ng isang komprehensibong programa na mangangalaga sa mga indibwal laban sa trafficking.
- Latest
