3 arestado sa P.5 milyong shabu
MANILA, Philippines — Tatlo ang nasakote ng mga tauhan ng Station Drug Enforment Unit (SDEU) ng Las Piñas City Police Station sa isinagawang buy-bust operation sa Las Piñas City, kahapon ng madaling araw.
Kinilala ang mga suspek na sina Wilma Capus; Domer Carpio, 41, at Gemmabelle Capus, 34.
Sa ulat ng SDEU sa pangunguna ni P/Lt Roberto Pareño Jr., dakong alas-12:50 ng madaling araw kahapon nang arestuhin ang mga suspek sa Alabang-Zapote Road, Brgy. Almanza 1, Las Piñas City.
Unang nakabili ang poseur-buyer ng P500 halaga ng shabu sa mga suspek at nang arestuhin ay nakuhanan pa sila ng 5 sachet ng shabu na nasa 75 gramo o katumbas na halagang P510,000.00.
Pinuri ni Southern Police District director, P/Brig. Gen. Emmanuel Peralta ang matagumpay na operasyon ng SDEU.
“My high regards of thanks and appreciation to the members of the community who trust and work in close coordination with the PNP for the arrest of criminals. Rest assured that SPD will do its best for the safety of the Southern Metro.”, ani Peralta.
- Latest
