Top District Representatives, kinilala
MANILA, Philippines — Inilabas ng RP-Mission and Development Foundation Inc. (RPMD) ang resulta ng kanilang latest nationwide survey para sa lahat ng Mayor, Governor, at miyembro ng House of Representatives para sa kanilang “overall job performance” sa taong 2021.
Sa House of Representatives, nanguna sa “Top Performing District Representatives” si Rep. Pablo John Garcia ng Cebu, na may 92 percent job performance rating; sinundan ni Rep. Kristine Singson-Meehan ng Ilocos Sur (91%); dating Representative at kasalukuyang Navotas City Mayor John Rey Tiangco (89%); Rep. Gerardo “Gerry” Espina Jr. ng Biliran (88%); dating Representative at kasalukuyang Mayor Dale “Along” Malapitan ng Caloocan City (87%).
Nasa ika-6 si House Speaker Martin Romualdez ng Leyte (86%); Rep. Rufus Rodriguez ng Cagayan de Oro City (85%); dating Rep. Vilma Santos-Recto ng Batangas (84%); Rep. Edcel Lagman ng Albay (82%); at dating Congressman at kasalukuyang Mayor Ruffy Biazon ng Muntinlupa City (81%) na pang-10.
Ayon kay Dr. Paul Martinez, Executive Director ng RPMD, ang mga rating at ranggo ay lubos na nakadepende sa kanilang mga performance sa trabaho. Ang 253 District Representatives ay tinasa ng kanilang mga nasasakupan mula sa “representation”, “legislation”, at “constituent service”. Ang mga nangungunang kinatawan ng distrito ay dapat kilalanin at papurihan para sa kanilang namumukod-tanging serbisyo publiko, ayon kay Dr. Martinez.
Ang “RPMD Year 2021 Public Satisfaction Survey,” ng RP-Mission and Development Foundation Inc. ay isinagawa mula Hulyo 1-15, 2022 sa bawat distrito/lungsod sa bawat rehiyon.
- Latest