_ngayon
^

Bansa

Ayuda puwedeng cash o in kind

Gemma Garcia - Pilipino Star Ngayon

MANILA, Philippines — Ipinapaubaya na ng Malakanyang sa local government units (LGUs) kung ang ipapamigay­ na ayuda ay cash assis­tance­ o pagkain sa mga benepisyaryo sa Na­tional Capital Region (NCR) plus na nasa ilalim ng enhance community qua­rantine (ECQ).

Ito ang sinabi ni Presidential Spokesman Harry Roque matapos payagan ni Pangulong Rodrigo Duterte sa kanyang pre-recorded Talk to the People noong Lunes ng gabi ang pa­mamahagi ng P1,000 sa bawat isa ng 22.9 mil­yon indibiduwal na na­apek­tuhan ng ECQ si­mula noong Marso 29 hanggang Abril 4.

Sinabi pa ni Roque na 11.2 milyon indibiduwal ang mabebenepisyuhan mula sa NCR, 3 milyon sa Bulacan, 3.4 milyon sa Cavite, 2.7 milyon sa Laguna at 2.6 milyon sa Rizal.

Idinagdag pa niya na nilagdaan ng Pangulo ang Special Allotment Release Order (SARO) at ang pondo ay kaagad ibibigay sa LGUs anumang oras.

Nilinaw naman ni Roque na maaaring isama bilang benepisyaryo ang mga hindi nakatanggap ng cash aid mula sa una o ikalawang tranch  ng special amelioration program dahil nagkaroon ng kalituhan ang ibang LGUs sa kanilang listahan.

Binalaan naman ng tagapagsalita ang LGUs na siguruhin na ang tulong ay makakaabot sa mga benepisyaryo kung hindi ay kakasuhan sila tulad ng ginawa ng gob­­yerno sa una at ikalawang tranch ng pamamahagi ng SAP noong nakaraang taon.

ECQ
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with