‘Wala akong pakialam kahit mamatay kayo’
Duterte sa mga kritikong pari
MANILA, Philippines — Wala raw pakialam si Pangulong Duterte kung mamatay ang mga kritiko nitong pari sa bansa.
Ginawa ng Pangulo ang pahayag kamakalawa ng gabi sa Davao City matapos siyang manawagan sa publiko na huwag gagalawin ang mga pari at obispo makaraang 3 pari ang lumantad dahil sa death threat.
“They tried to picture me na ‘pag namatay sila...I should be blamed because of my outburst. The hell. Wala akong pakialam kung mamatay kayo ngayon lahat. Maluwang pa ang ating cemetery,” wika ni Duterte sa ginanap na National Peace and Order Council meeting sa Davao City kamakalawa ng gabi.
“Stop scaring people about your holiness. Do not scare me about you dying and getting me blamed,” dagdag ng Pangulo.
Inakusahan pa ni Duterte na may ilang pari na sangkot sa sexual abuse at illegal drugs.
Nauna rito sinabi ni Presidential Spokesman Salvador Panelo na hindi tamang kay Pangulo nila ibintang ang natanggap na death threat ng 3 pari.
Hinamon pa ng Palasyo ang mga pari na patunayan nitong si Pangulong Duterte ang nasa likod ng death threat ng mga ito.
- Latest
