Duterte at Trump nagkaharap na sa Vietnam
Si Pangulong Duterte habang nakikipag-usap kay US Pres. Donald Trump sa ginanap na Asia-Pacific Economic Cooperation (APEC) Summit sa Vietnam kahapon. Special Assistant to the President Bong Go
MANILA, Philippines — Sa unang pagkakataon, nagkaharap na rin sina Pangulong Duterte at US Pres. Donald Trump ayon sa post ni Special Assistant to the President Bong Go sa kanyang Facebook account na may caption na “They have finally met.”
Sa larawan na ipinost ni Go, nag-selfie ito kung saan nasa background sina Pangulong Duterte at Trump.
Kapwa nasa Da Nang Vietnam sina Trump at Go matapos dumalo sa event ng Asia-Pacific Economic Cooperation (APEC).
“They have finally met. Philippine President Rodrigo Duterte interacted in person with US President Donald Trump for the first time on Saturday, November 11, during an Asia-Pacific Economic Cooperation (APEC) event in Vietnam,” nakasulat na description sa larawan na inilagay ni Go sa kanyang post sa FB.
Maikli lamang umano ang pagkikita nina Duterte at Trump na magkahiwalay na tutulak sa Pilipinas para naman sa Association of Southeast Asian Nations (ASEAN) Summit.
Ngayong araw inaasahang darating sa Pilipinas si Trump samantalang kagabi (Sabado) itinakda ang pagdating ng Pangulo.
Sa APEC family photo, nakatabi naman ni Duterte si Russian President Vladimir Putin.
- Latest
