Call centers sa Pinas gustong tanggalin ni Obama - Cayetano
MANILA, Philippines – Si US Pres. Barack Obama at hindi si Pangulong Rodrigo Duterte ang gustong magpatanggal ng mga BPO (business process outsourcing) at call centers sa bansa.
Ito ang sinabi ni Sen. Alan Peter Cayetano sa isang press conference kamakalawa sa Malacañang.
“Ang daming nagte-text sa akin, paano, sir, yung mga BPO, call center? Ang gustong magpatanggal ng call center at BPO sa Pilipinas is not Duterte,” ani Cayetano.
Sinabi pa ng senador na mas ginagawa pa ng Pangulo na maayos ang environment para sa mga nagta-trabaho sa mga call centers na umuuwi ng gabi at kalimitang nagiging biktima ng krimen.
Ayon kay Cayetano, si Obama ang umaangal sa mga call centers ng US na nasa labas ng kanilang bansa dahil naagawan umano ng trabaho ang kanilang mga mamamayan.
“It is actually the American politicians including President Obama who wanted to remove call centers. Take a look at the debates and the speeches of President Obama in 2008 and 2012. He was saying the other nations are getting our jobs. Dapat ibalik na dito. Jobs that should belong to us are now overseas. Simple jobs of working at home and using the phone and Internet are now overseas,” sabi ni Cayetano.
Pero ang mga negosyanteng Amerikano umano ang nais na sa labas ng Amerika ilagay ang mga BPO at call centers dahil mas nakakamura sila sa pagbabayad ng mga manggagawa.
“Ang negosyante nila ang gusto dito bakit? Magkano na ba ang minimum wage sa US ngayon? It’s between 10 to 15 dollars an hour. So that’s about 500 to 750 dollars an hour. Which is what? Our daily wage already. So ikaw mamili, if you’re gonna work eight hours, they pay eight times more plus benefits and work in the US or ibigay mo sa Pilipinas?” paliwanag pa ni Cayetano.
Hindi aniya dapat lituhin ang mga mamamayan tungkol sa mga “unsettling statements” ni Pangulong Duterte dahil purely business deal ang mga isyu tungkol sa call centers at hindi diplomatic deal.
“When there’s a ruckus and there’s unsettling statements even coming from our President, let’s not throw red herrings. Huwag nating lituhin ang tao na para bang magsasara ang mga call centers kapagka may problema sa relationship sa US because it’s purely a business deal, it’s not a diplomatic deal. And they want to be here. They love being here and we love them being here and we are taking good care of them,” dagdag ni Cayetano.
- Latest
