^

Bansa

Irrigation fee sa magsasaka ipapatanggal ni Ping

Rudy Andal - Pilipino Star Ngayon

MANILA, Philippines – Ipahihinto ni dating Senador Panfilo Lacson ang pangongolekta ng bayad sa mga magsasaka buhat sa mga patubig na pinangangasiwaan ng pamahalaan.

Ani Lacson, isa ito sa mga pangunahing panukalang batas na isusulong niya sa unang isandaang araw ng kanyang muling pagseserbisyo publiko oras na makabalik bilang senador.

“Ako nagkaroon ng pakikipag-ugnayan sa magsasaka sa malayong lugar. Ang irrigation fee dapat tanggalin yan kasi ang laki ng pondo ng NIA, tapos ita-tax mo ang magsasaka magbabayad ka ng irrigation fee. Parañaque ang pondo ng NIA o gobyerno para bigyan ng serbisyo ang ating magsasaka?” sinabi niya sa isang pa­nayam sa dzMM.

Dagdag niya, kaila­ngan idaan sa batas ang pagtanggal ng irrigation fee dahil ang bayarang ito ay nakasaad sa batas.

Naging hinaing ng mga magsasaka ang problema tungkol sa binabayarang suplay ng tubig buhat sa mga irigasyon na pinangangasiwaan ng NIA, sabi ni Lacson.

Bukod sa pag-alis ng irrigation fee, ipupursigi rin ni Lacson ang pagsusulong ng National ID System, patuloy na pagbabantay laban sa pork barrel at ang pagbubunyag at paghahanap ng epek­tibong pampigil sa mga katiwalan sa pamahalaan.

 

ACIRC

ANG

ANI LACSON

ATILDE

BUKOD

DAGDAG

IPAHIHINTO

LACSON

MAGSASAKA

MGA

SENADOR PANFILO LACSON

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with