‘Hakot’ sa voters registration ok sa Comelec
MANILA, Philippines - Walang nakikitang mali ang Commission on Elections kung magkakaroon man ng “hakot’ system para sa isinasagawang voters registration.
Ayon kay Comelec spokesman James Jimenez, makatutulong pa umano ang mga political parties at kakandidato sa pag-oorganisa sa mga registrants upang makapagparehistro sa mga local offices ng ComeÂlec simula bukas hanggang Oktubre 2015.
Ipinagbabawal lamang nila umano ang ‘hakot’ system sa panahon ng eleksiyon. Sa panahon ng registration mas maraming registrants mas makabubuti upang makaÂboto.
Gayunman sinabi ni Jimenez na sinumang tutulong sa mga registrants na makapagparehistro ay dapat ding tulungan ang mga walang biometric. Nabatid na umaabot sa 9.6 milyon ang rehistrado subalit walang biometrics.
Ipinaliwanag ng CoÂmelec na sinumang boÂtante na walang biomeÂtrics ay hindi na pabobotohin sa May 2016 local at national elections.
Sa ilalim aniya ng Republic Act 10367 o ang Mandatory Biometrics Registration Act of 2013, ang sinumang botante na walang biometrics bago ang May 2016 elections ay aalisin na sa list of voters.
Tiwala rin si JimeÂnez na hindi magkakaroon n flying voters ang gaganaping registrations dahil sa Comelec’s Automated Fingerprint Identification System (AFIS).
Ang AFIS ay ginagaÂmit ng Comelec para i-cross-match ang biomeÂtric registrations ng isang botante at maiwasan ang double at multiple registrants.
- Latest