Crisis alert sa Yemen ibinaba
Ellen Fernando (Pilipino Star Ngayon) - February 13, 2014 - 12:00am

MANILA, Philippines - Dahil sa paghupa ng tensyon sa Yemen, inanunsyo kahapon ng Department of Foreign Affairs (DFA) na kanilang ibinaba ang crisis alert level doon.

Ayon sa DFA, matapos ang rekomendasyon ng Embahada ng Pilipinas sa Riyadh na siyang nakakasakop sa Yemen, iniutos ni Foreign Affairs Secretary Albert del Rosario na ibaba ang alert level para sa mga Pinoy mula level 3 (voluntary repatriation) sa level 2 (restriction phase).

Gumaganda na uma­no ang sitwasyong seguridad at pulitikal sa Yemen na siyang dahilan ng kanilang rekomendasyon.

Sa ilalim ng alert level 2, ang mga Pinoy na may labor contracts ay maaari nang bumalik sa Yemen, habang ang pagpapadala ng mga newly-hired OFWs ay mananatiling suspindido.

Ang lahat ng Pinoy sa Yemen ay pinapayuhan na iwasan ang paggala-gala at huwag magtutungo sa mga pampublikong lugar lalo na sa mga sentro ng pinagdadausan ng anumang pagkilos o protesta.

AYON DAHIL DEPARTMENT OF FOREIGN AFFAIRS EMBAHADA FOREIGN AFFAIRS SECRETARY ALBERT GUMAGANDA PILIPINAS PINOY RIYADH
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with