Ninakaw ang Kotse

Panaginip: Kinuha ko ang valuable items sa aming kotse dahil nahulaan ko na mananakaw ito. Ang valuable items ay ibinaon ko sa aming garden. Nagkatotoo ang aking hula dahil biglang nawala ang kotse sa tapat ng aming bahay. Pero parang magic, ilang sandali lang ay lumitaw ang kotse. Nagsisigaw ako sa tuwa dahil isinauli ang aming kotse.---Maggie

Interpretasyon: Isang wish na may kinalaman sa trabaho ang iyong makakamtan. Puwede rin ang ninakaw na sasakyan ay simbolo ng mga hadlang sa iyong pa­ngarap sa buhay. At mukhang lagi kang nakahanda sa mga unos ng buhay, ito ang ibig sabihin ng ibinaon mo sa garden ang mahahalagang bagay na nasa kotse bago pa man ito manakaw.