‘Outercourse’? (3)

Withdrawal - Ang lalaking gumagamit ng withdrawal ay hinuhugot ang kanyang penis mula sa vagina bago ang ejaculation o bago lumabas ang semen sa penis.  Ang withdrawal ay tinatawag rin na coitus interruptus o pull out method. Sinasabing ang withdrawal ang pinakamatagal nang ginagamit na birth control sa buong mundo. Sinasabing may 35 million na couples sa buong mundo ang gumagamit ng withdrawal. Hindi nabubuntis sa withdrawal dahil hindi nakakapasok ang sperm sa vagina. Kung walang sperm, walang magpe-fertilize na egg.

Breastfeeding bilang Birth Control - Opo, ang breast feeding ay isa ring paraan para hindi mabuntis. Tinatawag itong LAM (Lactational Amenorrhea Method) isa itong natural na paraan para maiwasan ang pagbubuntis matapos makapanganak. Effective, safe, convenient at libre ito na tumatagal ng hanggang anim na buwan pagkapanganak. Ginagamit ang breastfeeding bilang birth control kapag bagong panganak. Tanging ang gatas lamang ng ina ang kanyang ibinibigay sa anak. Ibig sabihin  walang ibang intake ang sanggol kundi ang gatas mula sa ina. Ang pagpapasuso ay natural na nagbabago sa hormones ng babae para hindi ito mabuntis. Habang patuloy na nagpapasuso ang ina, hindi nagpro-produce ng hormone na kailangan para sa ovulation – ang pagre-release ng  egg mula sa ovary. Kung walang egg, walang ipe-fertilize ang sperm.