Iya at Chef Jose, magtuturo ng matipid na recipes!

Dahil nga sa pagtaas ng mga bilihin ngayon, talagang hindi maiwasang magtipid ng marami at pati nga ang ingredients ng pagkain ay tinitipid na rin.

Mabuti na lang at merong solusyon sina Iya Villania at Chef Jose Sarasola dahil ituturo nila sa Eat Well, Live Well. Stay Well. Season 4 ang mga recipe na masustansya pero abot-kaya ang halaga. Talagang malaking tulong ito ngayon na sobrang mamahal na ng bawat bilihin at umaangal na nga ang mga tao.

Sa mga namomroblema kung ano ang lulutuin nila ngayong holiday season, ayon kay Iya ay interesting recipes ang kanilang mga inihanda. Meron nga raw silang ipapakitang Christmas dish na usually, medyo sweet pero dito raw ginawa nilang savory! Talagang nilagyan nila ng twist ang mga pagkain. Kahit nga raw siya ay namangha.

Sabi nga ni Chef Jose, ‘pag nakita raw kung gaano kadaling gawin ay siguradong susubukan na rin ng mga manonood sa kani-kanilang mga bahay. Perfect talaga ngayon Christmas season. Kaya sure na inaabangan na ng mga manonood ang healthy meals pero pasok sa budget na nilagyan pa ng twist lalo na ng mga nanay para sa Pasko at Bagong Taon. Exciting talaga.