Janine, binash si Sen. Bong?!

MANILA, Philippines — Sa comment ni Janine Gutierrez na “oh God” sa tanong ng Twitter account ng GMA Network na “Handa na ba kayong muling mapanood sa telebisyon si Senator Bong Revilla?,” mukhang hindi maggi-guest ang aktres sa show ni Sen. Bong na Agimat ng Agila.

Sinundan pa ni Janine ang naunang comment ng “Di ko kaya besh”.

Ang nasabing show ni Sen. Bong ay mapapanood na sa 2020, kapalit ng Daig Kayo ng Lola Ko.

Marami ang humanga kay Janine sa stand niya at nag-comment na hindi magaganda, pero nabanggit ni Sen. Bong at pati na ng misis nitong si Lani Mercado na sanay na sila sa mga basher, kaya hindi na sila apektado.

Alden at Kathryn nag-bonding!

Nagkita-kita pala ang cast ng Hello, Love, Goodbye noong isang araw at para iwas sa bashing at galit ng ibang fans, sa IG Story ni Alden Richards pinost ang photos nila na may caption na “Swerte ako sa mga taong to.”

Si Kathryn Bernardo, pinost sa Instagram (IG) ang photos nila pero limitado ang comments.

Pa-Christmas party siguro ‘yun ng team HLG at dapat hindi ginagawang isyu.

Ang positive nga ng caption ni Kathryn na “This is best gift I’ve received from filming #HelloLoveGoodbye: the gift of true friendship! Salamat naman at hindi tayo ‘shooting friend’ lang! Will be forever grateful to each and every one of you. Merry Christmas from Team HLG (aka team pabigat)!”

Pansin nga namin, kahit kasama sa photos si Alden, hindi siya tinag ni Kathryn na tiyak naintindihan ni Alden. Saka, for sure, alam ni Daniel Padilla na may get together si Kathryn with the HLG cast.

Kasamang nag-get together sina Kakai Bautista, Lovely Abella, Maymay Entrata, Jeffrey Tam at Joross Gamboa. Kasama pa nga ni Alden sina Mama Ten at Sam Sanciangco at ibang staff ng box-office movie.