^

Punto Mo

Tres Queridas (69)

Ronnie M. Halos - Pang-masa

WALA pang sampung segundo ang lumipas nang biglang mag-vibrate nang sunud-sunod ang cell phone ni Celeste sa ibabaw ng mesa.

Jack Calling. Pinindot ni Celeste ang speakerphone. Sa kabilang linya, hindi na pabulong ang boses ni Jack, malakas ito at alerto.

“Ma’am Celeste! Kumagat na sila! Kakakuha lang ng signal ng dalawang itim na sedan sa labas ng gate!”

Napaayos ng tayo si Diana. “Anong ginagawa nila, Jack?”

“Hindi na sila nagmamasid, Ma’am, papasok na sila! Pinaandar na nila nang todo ang makina at binabangga na nila ang gate dito!”

Bago pa man matapos ni Jack ang kan­yang pangungusap, du­­ma­­gundong mula sa speakerphone ang malakas na kalabog ng bakal na gate na binangga­ ng sasakyan, na agad namang sinundan ng sunud-sunod na putok ng baril.

Napasinghap si Arthur sa sahig ng van, nan­­lalaki ang mga mata habang nakikinig sa putukan. Alam niyang iyon ang mga hitman na ipinadala ni Carlo upang tapusin si Celeste sa sandaling makumpirmang bumagsak na ang ama nito.

Ngunit sa halip na sigaw ng pagkataranta mula kay Jack, ang narinig nila sa kabilang linya ay ang palitan ng putok. Ilang segundo ng nakabibinging katahimikan ang lumipas bago muling nagsalita si Jack, bahagyang humihingal ngunit matatag ang boses:

“Perimeter clear, Ma’am Celeste. Diretso silang bumangga sa crossfire namin. Neutralized na ang pitong tauhan nila, lima ang sugatan, dalawa ang sumuko agad nang maubusan ng bala. Walang nasaktan sa panig natin.”

Nanlumo at tuluyang bumagsak ang mga balikat ni Arthur sa sahig ng van. Sa loob lang ng ilang minuto, ang dalawang haligi ng plano ni Carlo, ang pera sa eskinita at ang strike team sa pekeng safehouse, ay parehong gumuho sa harap ng kaniyang mga mata.

Ngunit hindi pa roon natapos ang lahat. Sa mismong segundong binaba ni Jack ang linya, isang matinis at tuluy-tuloy na chime ang umalingawngaw mula sa laptop ng IT specialist sa loob ng van.

“Nakuha ko na ang location ni Carlo!” sigaw ng teknisyan, nakaturo ang daliri sa kumi­kislap na pulang tuldok sa gitna ng digital map.  (Itutuloy)

TRES QUERIDAS

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with