Rep. Pichay, pinakakansela ang COC sa Comelec!

BINABANGUNGOT si Surigao del Sur 1st District Rep. Prospero Pichay Jr., ng guilty verdict na ipinataw sa kanya ng Ombudsman dahil sa milyones na anomalya na kinasangkutan n’ya noong chairman pa s’ya ng Local Water Utilities Administration (LWUA). Isinantabi ni Pichay ang desisyon ng Ombudsman at nais nitong bumalik sa dating puwesto bilang kinatawan ng 1st District ng Surigao subalit mahigpit itong tinutulan ni party-list Rep. Romeo Momo, ng Construction Worker’s Solidarity (CWS). Araguuyyyyy!

Sa kanyang 18-page petition sa Commission on Elections (Comelec) pinakakansela ni Momo ang certificate of candidacy (COC) ni Pichay sa argumentong ang desisyon ng Ombudsman, ayon sa Supreme Court, ay immediately executory even pending appeal. Kaya’t iginiit ni Momo na dapat ipatupad ng Comelec, as a Constitutional body, ang desisyon ng Ombudsman na hindi na maaaring humawak ng posisyon sa gobyerno si Pichay. Araguuyyyyy! Hihihi! Ano kaya ang say ni Pichay dito?

Matatandaan na si Pichay at dalawa niyang tauhan ay napatunayang guilty sa pagpalabas ng P780 milyon na pondo ng LWUA para bumili ng 60 percent share ng local thrift bank na Express Savings Bank Inc. noong 2009. Tutol ang Department of Finance at maging ang Office of the Solicitor General sa hakbangin na ito ni Pichay subalit itinuloy pa rin niya ang pagbili ng share ng naluluging banko. Kaya hayun! Nahatulan ng Ombudsman na guilty for grave misconduct si Pichay at dinismis pa siya sa government service.

Hindi lang ‘yan, habambuhay ding bawal si Pichay na humawak ng public office. Sinikap ni Pichay na baliktarin ang desisyon ng Ombudsman subalit nabigo siya. Lalo siyang nanlumo nang pinagtibay ng Court of Appeals ang desisyon ng Ombudsman laban sa kanya. Araguuyyyyy! Hihihi! May lusot pa kaya si Pichay sa kaso niya?

Batay pa sa petisyon ni Momo, sinadya ni Pichay na ideklara na eligible ito sa pagtakbo para sa public office at sumagot na “no” para sa tanong na “have you ever been found liable for an offense which carries with it the accessory penalty of perpetual disqualification to hold public office, which has become final and executory?’’

“Fully aware of the concurrence of respondent Pichay, Jr.’s false representation pertaining to a material matter which refers to his qualifications for elective office, of his deliberate attempt to mislead, misinform, or hide a fact which would otherwise render him eligible and of his intention to deceive the electorate as to his qualifications for public office,” ayon sa petisyon na inihain ni Momo.

Iginiit ni Momo na dapat i-disqualify si Pichay sa pagtakbo sa anumang posisyon sa 2022 elections. Sinaad din nito ang dokumento na nagkukumpirmang kasama si Pichay sa mga umano’y listahan ng perpetually disqualified na maupo sa public office o muling magserbisyo sa gobyerno. Hak hak hak! Parang tinamaan ng kidlat si Pichay dahil sa delubyong dumating sa buhay niya? Mismooooo! Dipugaaaaa! Abangan!