_pang-masa
^

Supporter ni Kap, umapela sa BITAG (1)

BITAG - Ben Tulfo (Pang-masa) - April 18, 2020 - 12:00am

NAGING mainit ang mga sumbong laban sa mga mapang-abusong barangay officials simula pa lamang ng enhanced community quarantine. Hindi lamang ito sa Metro Manila kundi maging sa malalayong probinsiya sa bansa.

Matatandaan ang sumbong ng isang residente ng Bayambang, Pangasinan. Sinugod siya ni Kap sa kanyang bahay dahil tinawag niya itong korap sa kanyang Facebook page.

Nagsimula ang problema nang ipost niya sa kanyang Facebook ang singil na P10 ng barangay para sa quarantine pass. Ang siste, ang mga nagkomento ang tumawag kay Kap ng korap hindi ang nagrereklamo.

Sa galit ni Kap, sumugod ito sa bahay ng kanyang residente. Ang sumbong, pinagsusuntok daw siya ni Kap at nang gumanti siya ay mas tinamaan nang marami ang chairman.

Tumawag si Kap ng pulis, hinuli ang residente’t kinulong. Nagpiyansa siya ng P36,000 para makalaya.

Ipinaabot namin kay Usec. Martin Diño ng DILG Barangay Affairs ang sumbong na ito’t napadala ang mga ebidensiyang ibinahagi sa amin ng nagrereklamo. Ang sentro ng imbestigasyon ng BITAG noon, ang iligal na paniningil ng P10 para sa quarantine pass dahil ipinagbawal ito ng pamahalaan.

Matapos naming maipalabas sa PTV4 at YouTube ang sumbong na ito, may mga supporters si Kap na nagkokomento sa BITAG Live page.

Kesyo hindi raw totoo ang sumbong, sinungaling ang nagrereklamo, tapos na raw ang imbes­tigasyon ng DILG sa kasong ito at napatunayang ang nagrereklamo ang may kasalanan. Dapat ay mapakinggan namin ang bersiyon ni Kap.

Para sa patas na pamamahayag at apela ng mga supporters at kamag-anak ni Kap na nagmemensahe sa amin (ang kakatwa rito nasa ibang bansa ang mga ito), tinawagan ko si Kapitan habang ka-video chat ko ang nagrereklamo.

Ang naging resulta, abangan ang detalye sa kolum na ito. Maaari ring mapanood sa mga susunod na araw sa PTV4 sa BITAG Live at sa BITAG Official YouTube Channel.

BITAG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with