Life Hacks (Part 3)

16. Uminom ng tubig pagkatapos uminom ng kape, tsaa, at soda para mahugasan ang ngipin upang manatili itong puti.

17.  Tuwing may hihiraming gamit ang iyong mga kaibigan, litratuhan sila hawak ang kanilang hiniram. Kapag isinauli ang hiniram, magkuhanan din kayo ng litrato para malinaw ang mga ebidensiya. Sa ganitong paraan, maiiwasan ang pagtatalo kung hindi pa o naisauli na ang gamit na hiniram.

18.  Huwag itapon ang lumang medyas. Mainam itong pampunas ng alikabok sa furnitures.

19.  Maglagay ng timpladong kape sa ice tray. Itabi sa freezer.  Kapag naisipan mong magtimpla na ice coffee, ang frozen coffee ang gamitin. Sa ganitong paraan hindi tatabang ang inyong ice coffee dahil ang ginamit ninyong “yelo” ay kape rin.

20. Kapag may ka-usap kang tao, let’s say nakatayo kayo, silipin mo kung saan nakaturo ang kanyang paa. Kung nakaturo ito sa ibang direksiyon, senyales iyon na gusto na niyang tapusin ang inyong pag-uusap.