Trike driver na nang-scam sa Australian vlogger, inaresto
MANILA, Philippines — Inaresto ng mga tauhan ng Manila Police District (MPD) ang isang tricycle driver na itinuturong nang-scam sa isang Australian vlogger na siningil ng P550 sa biyahe na hindi pa umabot ng isang kilometro sa Ermita, Maynila kamakailan.
Nasa kustodiya na ang suspek na itinago ang pagkakakilanlan na itinuturong bumiktima sa vlogger na si Dwaine Woolley nang maaresto nitong Miyerkules sa isang traffic violation sa Ermita, Maynila.
Walang lisensya at rehistro at nang isailalim sa berepikasyon ay nadiskubre na siyang pinaghahanap sa pambibiktima sa vlogger.
Sa vlog ni Woolley, pupunta siya sa malapit na mall at habang naglalakad, huminto sa tabi niya ang tricycle at inalok na ihatid siya sa halagang P50.
Habang nasa daan, pinik-ap ng suspek ang isang babae at isa pang lalaki na kakilala nito nang inihinto ang tricycle at sinabing nasiraan sila kaya bumaba na lamang si Woolley at nagbayad ng P100.
Dito umano siya pinagmumura ng suspek at babaeng kasabwat at sinisingil na siya ng P550 dahil ito umano ang rate ng mga private tricycle sa lugar.
- Latest