Presyo ng bigas, tumaas ng P2-P5 kada kilo - DA

MANILA, Philippines — Sa kabila ng pagsisikap ng pamahalaan na mapababa ang presyo ng bigas,. Inianunsyo kahapon ng Department of Agriculture (DA) na tumaas ng mula P2 hanggang P5 ang kada kilo ng bigas sa ilang pamilihan sa Metro Manila. Batay na rin sa price monitoring ng DA, umaabot na sa P60 kada kilo ang pinakamahal na bigas sa mga palengke sa Metro Manila. 

Ang Imported Commercial Rice na Special ay nasa P50-P58 ang presyo; ang Premium ay P43-P52; ang Well-milled ay P40-P46 at ang Regular milled ay P37-P44.

Ang presyo naman ng Local Commercial Rice na Special ay nasa P48-P60; ang Premium ay P42-P49; ang Well-milled ay P38-P46 at ang Regular milled ay P34-P40.

Ayon sa Samahang Industriya ng Agrikultura (SINAG), ang hindi mapigilang pagtaas ng presyo ng bigas ay dulot na rin ng mahal na pataba at langis.