Alert level system ilalarga rin sa labas ng Metro Manila
MANILA, Philippines — Batay sa desisyon ng Inter-Agency Task Force (IATF) ay sisimulan nang ipatupad ang Alert Level System sa labas ng Metro Manila na magsisimula sa Oktubre 20 hanggang katapusan ng buwan. “Simula, a-bente ng Oktubre, ay in-expand na po ang alert level system sa labas ng Metro Manila,” anunsiyo ni Presidential spokesperson Harry Roque.
Iiral ang Alert Level 4 sa Negros Oriental at Davao Occidental habang Alert Level 3 ang Cavite, Laguna, Rizal, Siquijor, Davao City at Davao del Norte, habang nasa Alert Level 2 naman ang Batangas, Quezon Province, Lucena City, Bohol, Cebu City, Lapu-Lapu City, Mandaue City, Cebu Province, Davao de Oro, Davao del Sur at Davao Oriental.
Sa indoor dine-in services, 10 porsiyento lamang ang pinapayagan sa Alert Level 4; 30% sa Alert Level 3; at 50% sa Alert Level 2, samantalang 100% sa Alert Level 1.
Agad ding nilinaw ni Roque na ang indoor dining ay para sa mga bakunadong indibidwal lamang at lahat dapat ng mga manggagawa sa indoor dining ay bakunado rin.
Pinapayagan na rin ang mga fitness gyms, studios at venues para sa non-contact sports exercises sa indoors. Pero dapat bakunado ang mga nasa gym at walang group activities.
Dapat ding naka-face mask ang mga nasa loob at ipinatutupad ang social distancing at lahat ng empleyado ay dapat fully vaccinated. Ang venue capacity sa mga nabanggit na lugar ay 10% sa Alert Level 4; 30% sa Alert Level 3 at 50% sa Alert Level 2.
Related video:
- Latest
