50.3 milyong Pinoy walang sariling banyo
Pinas bagsak sa sanitasyon — WHO…
MANILA, Philippines — Nagbabala ang mga health expert na posibleng magkaroon ng panibagong epidemya sa Pilipinas.
Ayon sa Department of Health, nasa 50.3 milyong Pinoy o 10 milyong pamilya ang kasalukuyang walang maayos na palikuran habang nasa 24 milyon ang gumagamit ng hindi maayos na banyo o habang ang iba ay wala talagang sariling banyo.
“Let us not wait for another outbreak or pandemic before we prioritize sanitation. The recent typhoons in the Philippines have shown how vulnerable our toilets and the sanitation systems they are connected to are,” wika ni UNICEF representative Oyunsaikhan Dendevnorov.
Sinabi naman ni Health Secretary Francisco Duque na ang problema sa sanitasyon ay agad na masusolusyunan sa pamamagitan ng pag-invest sa pinakabagong teknolohiya.
Dahil sa kawalan ng sapat na mga malilinis na mga palikuran na magagamit ng publiko ay bagsak ang antas ng sanitasyon ng maraming bansa sa mundo kabilang na ang Pilipinas.
Para makamit ang ‘universal access’ sa sanitasyon, kinakailangan umano ang P30 bilyong taunang investment na katumbas ng 13% ng ‘internal revenue allotment (IRA)’ ng mga lokal na pamahalaan na nagkakahalaga ng P225.3 bilyon sa 2022.
- Latest
