PNP balik drug war

MANILA, Philippines — Kapag nabigo umano ang Philippine Drug Enforcement Agency (PDEA) na matupad ang kanilang tungkulin sa pagsugpo ng illegal drugs sa buong bansa ay nakatakdang ibalik ni Pa­ngulong Rodrigo Duterte sa Philippine National Police (PNP) ang pagsasagawa ng anti-drug operations.

“As of now, just to parry, nilagay ko sa I gave it to PDEA.Whether I like it or not, I have to return that power to the police because surely it will increase the drug acti­vity,” wika ni Pangulong Duterte kamakalawa ng gabi sa kanyang mensahe sa mga sundalo sa Fort Magsaysay, Nueva Ecija.

Magugunita na umani ng pagbatikos ang anti-drug war ni Pangulong Duterte sa pangunguna ng PNP kung saan ay inakusahan ang mga ito na sangkot sa extra-judicial killings dahil sa mga nasawi sa anti-drug operations.

Well, I think a decision will be soon be made. But like you said, he did make the statement that “I may have to return it to the police to avoid the problem from wor­sening.”  So, I guess that is the latest pronouncement of the President there’s now a very strong likelihood that it could be returned  to the PNP. As he said, what he said was to prevent the problem from worsening,” paliwanag naman ni Presidential Spokesman Harry Roque kahapon.

Aniya, hindi kuntento si Pangulong Duterte sa naging performance ng PDEA sa paglutas sa problema sa illegal drugs kaya nais nitong ibalik sa PNP ang pangangasiwa sa anti-drug operations bago pa man ito lumala.

Ilang beses na ring sinabi ni Pangulong Duterte na hindi kinukun­sinti ng gobyerno ang mga pagpatay sa mga indibidwal na sangkot sa illegal drugs bagkus ay hinahabol ito ng pulisya particular ang mga riding in tandem na nasa likod ng mga pagpatay.

Samantala, tanggap naman ng PDEA ang planong ibalik sa PNP sa kampanya ng pamahalaan laban sa illegal na droga.

Inamin ng PDEA na sila ay “undermanned,” “under budget” at “under equipped” kaya’t kaila­ngan nila ang tulong ng iba pang law enforcement agency, partikular ng PNP.