P-Noy: PDAF buwag na!

MANILA, Philippines -Buwag na ang Priority Development Assistance Fund (PDAF) ng mga mambabatas.

Ito ang sinabi ni Pangulong Benigno Aquino III sa media forum sa Foreign Correspondents Association of the Philippines (FOCAP) na resulta ng pagkagalit ng taumbayan sa pork barrel system.

Tiniyak din ni Aquino na mananagot ang mga naglustay sa nasabing pondo ng gobyerno matapos mabunyag ang pork barrel scam kung saan ay sinasabing si Janet Lim-Napoles ang utak.

Umapela rin si Aquino na huwag padala sa tangkang iligaw ang publiko sa isyu sa pamamagitan ng Disbursement Accelaration Program (DAP).