Gilas mapapalaban sa FIBA OQT
MANILA, Philippines — Bumubuo na ng game plan si veteran coach Tim Cone para sa Gilas Pilipinas na mapapalaban sa FIBA Olympic Qualifying Tournament na gaganapin sa Hulyo sa Riga, Latvia.
Ilalatag ng host Latvia at Georgia ang pinakamalakas na lineup nito lalo pa’t isang silya lamang ang nakataya para sa Paris Olympics.
Kaya naman inihahanda na ni Cone ang lahat para masigurong nasa war mode ang Gilas Pilipinas.
Posibleng iparada ng Latvia si Boston Celtics big man Kristaps Porzingis para pamunuan ang kampanya ng kanilang tropa sa Olympic qualifiers.
“Those are the games we are looking at, so maybe two or three peripheral players will be changed for Latvia and Georgia but the core will be intact,” ani Cone.
Naglaro rin para sa Latvia sina Andrejs Grazulis at Arturs Zagars noong 2023 FIBA World Cup na ginanap sa Pilipinas kung saan tumapos sa ikalimang puwesto ang European squad.
Matatandaang ginulantang ng Latvia ang world No. 5 France sa group stage ng FIBA World Cup.
Pinataob din nito ang top seed Spain at No. 10 Italy.
- Latest